THE iNSIDER

రాకూడదా యేం?!

2011-04-28T13:40:00.000+05:30

యింకా రావేం!
సమయం మించిపోతోందని నీకనిపించలేదా?

యిన్ని ఉదయాలు,
యిన్ని కడగండ్లు,
యిన్ని నవ్వులూ,
యిన్ని ఏడ్పులూ నువ్వు లేకుండానా?!

నీకనిపించలేదా!
మన సమాగమ సాయంత్రాలూ వృథాగా పోతున్నాయని,
మన హౄదయాలకు దూరం పెరిగిందని,
మన అభిప్రాయాలకు హక్కులు పెరిగాయని..,

నువ్వు వెళ్ళిపోతేనేం?యిక్కడేమీ మారలేదు.
అంతా అట్లాగే వుంది.

అద్దంపై నువ్ చేసిన మరకలు,
మంచానికి ఆవల విసిరేసిన దిండు,
నువ్వు విసురుగా వెళ్ళినపుడు నీ జళ్ళోంచి రాలిన పువ్వు
నువ్వు గిరాటేసిన నా కానుక
నా పెదవిపై నువ్ చేసిన గాయం
అన్నీ అట్లాగే వున్నాయ్!

యింకా రావేం?

మన జీవితాలు యాంత్రిక ఛట్రంలో చిక్కుకుని
సొమ్మసిల్లకముందే,
నిన్ను అలంకరించిన నవ్వు అలసట చెందకముందే,
మన హౄదయాలు జీవితపు ఆవలి తీరాల్నిప్రేమించకముందే...
రాకూడదా యేం?

నువ్వు నిశ్చబ్దమైన వేళ !

2011-02-21T17:35:00.000+05:30

నువ్వు నిశ్చబ్దమైనపుడు నాలో నువ్వు శబ్దమవుతున్నావ్!
గుండె గగనతలమంతా ఎడతెగని మహా విస్ఫోటనాలతో పగులుతున్నపుడు,
విశ్వాంతరాళాల్లోకి నల్లని వానరాతిరిలా పరుచుకుంటోన్న యేదో రహస్యం లాంటి నిశ్చబ్దం.

జీవితానికావలితీరాలనుంచి స్తబ్దతా గీతాలు నిశ్చబ్దంగా ప్రవహిస్తో
శబ్దం నిశ్చలమవుతో నిశ్చబ్దమై నన్ను ఆపాదమస్తకం అలుముకుంటోంది.

చెలీ!
ఏ నిశ్చబ్దశబ్ద ప్రకంపనాల మధ్య
ఏమిటి నీకళ్లు చెమ్మగిల్లుతున్నాయ్.

నువ్వూ నేననే మహా రూపోత్సవపు స్వప్నాలన్నీ శబ్దమవుతున్న వేళ
నీ నిశ్చబ్ద మహా భినిష్క్రమణం వేళ కాని వేళ !

దహాస్!
నువ్వు నిశ్చబ్దమైన వేళ
నా గుండె దహించిన మృత్యు హేల

మరణశయ్య

2010-07-18T22:25:00.000+05:30

నా మరణశయ్య పక్కనుండి నువ్వెళుతున్నప్పుడు
వో పుష్ప గుఛ్చాన్ని వుంచుతావేమోనని ఆరాటపడ్డాను.
నీ స్పర్శతో పునరుజ్జీవనడవుతాననే
ఆశతో నీ వైపు దీనంగా చూశాను.

నీ కన్నీటి స్పర్శ నన్ను అమరుణ్ణి చేస్తుందని
నీ కంటి నుండి వొక్క చుక్కైనా రాలుతుందేమోనని
నిస్తేజంగా నీ వైపు చూశాను.

జాలిలేని నీ హృదయాన్ని యింకా యింకా కోరుకోవడం
మృత్యువుని నా దగ్గిరనుంచి యింకా యింకా దూరం చేస్తోంది.
నాకు వూపిరాడకుండా వుంది యీ సగం చావుతో.

నాకింక పొద్దు పొడవని గాఢమైన నిద్ర ఎపుడు లభిస్తుంది?!

INDIAN CURRENCY COINS | 1840 | 2010

2010-02-22T22:30:00.000+05:30

India introduced their first decimal coins in 1957. The coins were initially called Naye Paise, or new Paise, to distinguish them from the previous coins. In order to aid the many blind in the country, each coin was distinctly different. This six coin set includes the round 1 Naye Paisa, scalloped edge 2 Naye Paisa, the square 5 Naye Paise, the scalloped edge 10 Naye Paisa, the round 25 Naye Paise, all dated 1957, and the round 50 Naye Paise dated 1960, its first year of issue. The coins have the denomination on one side and the lion capital from the Sarnath pillar of Ashoka. The Ashoka lion capital was erected around 250BC and now serves as the national emblem of India. All 6 coins are Uncirculated.

MODERN INDIAN COIN SET INCLUDES ODD SHAPES

This set of ten recent coins of India includes 6 odd-shaped coins. Included is the 11-sided 2002 2 Rupee features a map of India. The 2001 1 Rupee is struck in stainless steel. The 1999 50 Paisa features the Parliament building and a map of India. A rhinoceros is featured on the 1994 25 paise. The aluminum 1988 20 Paisa coin is a siven sided coin. The 1988 10 paisa is also struck in stainless steel. The square 5 Paisa is dated 1993. The 1971 3 Paisa coin is a six sided coin. The 1976 2 Paisa has scallopped edges. The 1972 1 Paisa is square. Because of their low purchasing power and the high cost of production, the lower four denominations are no longer issued and are increasingly difficult to get. The The reverse of the coins features three lions from the ancient Pillar of Asoka, a sandstone pillar from the third century BC. It is an interesting set that includes a variety of unusual shapes.

This set includes five recent coins from India. Included is recently released, 2006 dated bi-metallic 10 Rupees. The other four coins are all dated 2009. There are two 5 Rupees, one a regular issue that utilizes the same design as the previous regular issue, however is struck in an aluminum-bronze alloy. The other commemorates the 100th anniversary of the birth of St. Alphonsa. St. Alphonsa was a catholic nun who died in 1946. Soon miraculous cures were attributed to her. In 2008 she became the second person of Indian origin to be canonized a saint by the Roman Catholic Church. The stainless steel 1 and 2 Rupees portray ancient Bharata Natyam Dance hand gestures. The 2 Rupee looks like a someone flashing a peace sign and the one rupee is someone giving a thumbs up. The three headed Asoka lion pedestal is on the obverse of each coin.

OLD CURRENCY NOTES | BRITISH |

2010-02-21T00:29:00.000+05:30

The first set of British India notes were the 'Victoria Portrait' Series issued in denominations of 10, 20, 50, 100, 1000. These were unifaced, carried two language panels and were printed on hand-moulded paper manufactured at the Laverstock Paper Mills (Portals). The security features incorporated the watermark (GOVERNMENT OF INDIA, RUPEES, two signatures and wavy lines), the printed signature and the registration of the notes.

British India Notes facilitated inter-spatial transfer of funds. As a security precaution, notes were cut in half. One set was sent by post. On confirmation of receipt, the other half was despatched by post.

Half note
This series remained largely unchanged till the introduction of the 'King's Portrait' series which commenced in 1923.

Green Underprint - Rupees Five Hundred

Green Underprint - Rupees Five

Red Underprint - Rupees Fifty
Small Denomination Notes
The introduction of small denomination notes in India was essentially in the realm of the exigent. Compulsions of the first World War led to the introduction of paper currency of small denominations. Rupee One was introduced on 30th November, 1917 followed by the exotic Rupees Two and Annas Eight. The issuance of these notes was discontinued on 1st January, 1926 on cost benefit considerations. These notes first carried the portrait of King George V and were the precursors of the 'King's Portrait' Series which were to follow.

Rupee One - Obverse

Rupee One -Reverse

Rupees Two and Annas Eight - Obverse
King's Portrait Series
Regular issues of this Series carrying the portrait of George V were introduced in May, 1923 on a Ten Rupee Note. The King's Portrait Motif continued as an integral feature of all Paper Money issues of British India. Government of India continued to issue currency notes till 1935 when the Reserve Bank of India took over the functions of the Controller of Currency. These notes were issued in denominations of Rs 5, 10, 50, 100, 500, 1000, 10,000.

Rupees Fifty

Rupees One Thousand

Rupees Ten Thousand
the Bank's issues to January 1938 when the first Five Rupee note was issued bearing the portrait of George VI.

Rupees Five - First Note issued by Reserve Bank of India
This was followed by Rs 10 in February, Rs 100 in March and Rs 1,000 and Rs 10,000 in June 1938.

Rupees One Hundred

Rupees One Thousand

Rupees Ten Thousand
In August 1940, the one-rupee note was reintroduced, once again as a war time measure, as a Government note with the status of a rupee coin,

Rupee One Obverse

Rupee One Reverse

Rupees Two
As an added security feature, the security thread was introduced for the first time in India.

George VI Profile

George VI Frontal
The George VI series continued till 1947 and thereafter as a frozen series till 1950 when post independence notes were issued.

త్యాగరాజు కీర్తనలు - ebook

2010-02-18T11:14:00.000+05:30

tyagaraju Keertanams

Mathematics and Woman

2010-02-12T09:55:00.000+05:30

యిన్ని conditions satisfy అవ్వాలా?

Only for fun: take it easy. Still to come

Answers of a Brilliant Student !

2010-02-11T21:48:00.000+05:30

'ఆ’ మరుక్షణం యేం జరగబోతోంది???

2010-02-09T17:08:00.000+05:30

భారత ప్రముఖుల ఆటోగ్రాఫ్స్

2010-02-08T16:12:00.000+05:30

Still to come . . .

మగధీరకు అసలు ముందు అనుకున్న కథ ఇదీ !

2009-08-18T22:07:00.000+05:30

హీరో నేరుగా తన తండ్రి దగ్గిరకు వెళ్ళి 'గత జన్మలో నేనెవర్ని?' అని అడుగుతాడు. 'గాడిదవి, అందుకే ఈ జన్మలో నా మీద పడి మేస్తున్నావు ' చెబుతాడా తండ్రి. 'అయితే గత జన్మ రహస్యం తెలుసుకునే వరకూ ఇంటికి తిరిగి రాను ' అంటో వెళ్ళిపోతాడు.

పునర్జన్మ నిబంధనల ప్రకారం యెవరి చెయ్యి తగిలితే షాక్ కొడుతుందో ఆమె తన హీరోయిన్. ఈ క్లూ ఆధారంగా బస్టాపు ల్లోనూ, లోకల్ రైళ్లలోనూ అమ్మాయుల మధ్య తచ్చాడసాగాడు. షాక్ తగల్లేదు కానీ గూబలు పగిలాయి. హీరోయిన్ ను వెతకలేనప్పుడు కనీసం విలన్ నైనా వెతుక్కోవాలి. నేరుగా వెళ్లి బోరాను కలిశాడు. తాను పట్టిన జలమల్లా కల్లుగా మారాలనే దీక్షతో సికింద్రాబాద్ లోని ఒక రైలు బోగీలో అతను తపస్సు చేస్తున్నాడు. రెండు ముంతల కల్లు తాగిన తరువాత కళ్లు తెరిచాడు. విషయమంతా విని 'పగిలిన కల్లు ముంత అతుక్కోదు ' అంటాడు.

హీరో ఇంకో ముంత కల్లు అందిస్తాడు. 'నువ్వు విలన్ ను కలిసినప్పుడు పక్షులు గాల్లోకి ఎగురుతాయి ' అంటే
హీరో 'అర్థమైంది, మిగతా విషయాలు నాకు తెలుసు ' అంటో వెళ్లిపోతాడు.

హైదారాబాద్ వీధుల్లో హీరో వెతుకుండగా మూసీనది వొడ్డున విలన్ ఎదురవుతాడు. పక్షులు గాల్లోకి లేవడంతో అతన్ని గుర్తిస్తాడు హీరో.

'పక్షులు గాల్లోకి ఎందుకెగిరాయో తెలుసా?' అంటో హీరో విలన్ ను అడుగుతాడు.
'రెక్కలున్నాయి కాబట్టి ' అంటాడు విలన్.
'సూర్యుడెందుకు నల్లబడ్డాడో తెలుసా?'
'సూర్యుడేం ఖర్మ, ఇక్కడి కాలుష్యానికి వాడి తాతయినా నల్లబడాల్సిందే '
'నువ్వు మండే అగ్ని గోళంలా కనిపిస్తున్నావ్'
'నోట్లో చుట్టవుంది, కనబడట్లేదా?'
'నీ మరదలెక్కడ?'
'వోస్! దీనికింత బిల్డప్ ఎందుకు, నేరుగా పాయింటుకొచ్చేయొచ్చుగా, రా , చూపిస్తా ' అంటో గోల్నాకలోని ఇరుకు మురికి సందులన్నీ తిప్పి ఒక ఇంటి ముందు ఆగి 'ఇందుమతీ ! ' అని పిలుస్తాడు.

'అరె! పేరు కూడా కరెక్టుగా మ్యాచెయ్యిందే! ' అని హీరో సంబరపడతాడు. ఇందుమతి బయటికి రాగానే ఆత్రంగా ఆమెకు చేతివేళ్లు తగిలించాడు. నో షాకింగ్.

'నీ మొహం, షాకయినా షేకయినా మనం అనుకోగానే రావు ' అని ఆమె ఇంట్లోకి వెళ్లి రెండే నిముషాల్లో బయటకొచ్చింది. ఆమె చెయ్యు పట్టుకోగానే హీరోకి చెవుల్లోంచి , ముక్కులోంచి పొగలొచ్చి కాళ్లూ చేతులు కొట్టుకుంటూ కిందపడ్డాడు. 'ఏమైంది వాడికి , బ్రేక్ డాన్సులా షేకయ్యిపోతున్నాడు.' అని విలన్ కంగారు పడతాడు.

'కరెంటు వైర్లు చేతిలో పెడితే, ఎవడైనా డాన్సింగ్ చెయ్యాల్సిందే ' అంది ఇందుమతి. హీరో స్పృహలోకి వచ్చిన తరువాత 'అంతా గుర్తుకొచ్చింది ' అని కెవ్వున అరుస్తాడు. ఫ్లాష్ బ్యాక్ వినక తప్పలేదు.

'నువ్వు హర్యానాలోని రాంఘడ్ యువరాణివి. అక్కడ అందరూ తెలుగే మాట్లాడతారు. నా పేరు పాలభైరవుడు. ప్రతిరోజూ గుర్రంపై కోటకు పాలు తెచ్చేవాణ్ని. కల్తీలేని పాలను పోస్తున్న నాలో కల్తీలేని ప్రేమ ఉంటుందని నువ్వు నన్ను ప్రేమించావు. కానీ మీ మేనమామ అడ్డు తగిలాడు. దీంతో మహరాజు మాకో పోటీ పెట్టాడు. రాజస్థాన్ ఎడారి నుంచి చుక్క పాలు కిందపడకుండా ఎవరు తీసుకొస్తారో వాడే నీకు మొగుడన్నాడు. మీ మేనమామకు మధ్యలో దాహమేసి పాలను తాగేశాడు. నేను మాత్రం పోటీలో తెలిచాను ' చెబుతాడు హీరో. '

నేను మధ్యలో దాహమేసి పాలను తాగలేదు. దీన్ని చేసుకోవాల్సి వస్తుందనే భయంతో తాగాను ' అంటాడు విలన్. '
మరి షేర్ ఖాన్ ఎక్కడ?'
'ఆగాగు, షేర్ ఖాన్ కూడా వస్తున్నాడు సీన్ లోకి. మన ప్రేమ పండుతున్న సమయంలో షేర్ ఖాన్ దండేత్తి వస్తాడు. అప్పుడు పూజలు చేసుకోవడానికి నువ్వు ఒక కొండ మీదకెళ్లావు. నీకు టైం కి పాలూ పెరుగూ అందించడానికి నేనూ వెంటే వున్నాను. అప్పుడు షేర్ ఖాన్ వచ్చి నాకో అగ్ని పరీక్ష పెడతాడు. వంద బర్రెలను ఇచ్చి కొండ మీద ఒక్కటి కూడా తప్పిపోకుండా మేపుకు రమ్మన్నాడు. నేను ఆ బర్రెలను మేపుతూ మేపుతూ ముసలి వాడిని అయిపోయాను. ఆ జన్మలో నువ్వేమయ్యావో తెలియదు.'

'పోన్లే , ఇప్పటికైనా కలుసుకున్నాం, అంతే చాలు ' అంటుంది ఇందుమతి.
' అదేంటి , విలన్ తో ఫైంటింగ్ మిగిలుంది కదా '
' నీకంత శ్రమ అఖ్కర్లేదు. ముట్టుకుంటే షాక్ కొట్టే అమ్మాయితో నేనేం సుఖపడతాను ? ఆ షాక్, క్రాక్ రెండూ నీకే సొంతం ' అంటో విలన్ కథలోంచి తప్పుకుంటాడు.

ఇక మన హీరో తన హీరోయిన్ తో ఇంటికెళతాడు.
'ఎవరు మీరు ' తండ్రి అడిగితే
'నాన్నా! నేనే , నీ కొడుకుని '

'నేనూ మీలాగే గత జన్మ జ్ఙాపకాల్లో ఉన్నాను. మీరెవరో గుర్తుకురావడం లేదు '
అని తండ్రి కర్ర తీసుకుంటాడు.

*

[Thanks to Sri G. R. Maharshi for his excellent narration. This was published in Sunday Sakshi. I reproduced for those who might missed this article]

జాలిగొల్పని విషాదగీతం!

2009-08-11T15:03:00.000+05:30

ఓహ్! నా జాలి లేని జీవితమా!

ఎందుకు చెప్పు!
యివన్నీ క్షణభంగురమే అయినపుడు,
నా చుట్టూ చిరునవ్వుల జల్లుల్నెందుకు కురిపిస్తావు .

ఎందుకు చెప్పు?
విషాదభరిత ఛాయలెలాగూ అనివార్యమైనపుడు,
వొకానొక జీవితానురక్తి పాటనెందుకు అందుకుంటావు?

ఎందుకు చెప్పు?
భారమైన జ్ఙాపకాలేవో నా కోసం కాచుకున్నపుడు,
ఆనంద పారవశ్యక్షణాల్ని ప్రసాదిస్తావు?

నువ్వెలాగూ వీడ్కోలు విషాద గీతాలు పాడేపుడు
యీ వెచ్చని హృదయాల పరిమళాలనెందుకు వెదజల్లుతావు.
యీ లలితాద్భుత ప్రాయాన్నిచ్చి ఎడతెగని వసంతోత్సవాల్తో ప్రజ్వరిల్లజేస్తావు?

నా ప్రార్థన యిదే, నా నుంచి పారిపోకు.

And he never lived again...

2009-08-01T17:28:00.000+05:30

Birds cried!
‘Oh! My dear!

Do not long for those eyes,
For whatever you see you won’t get.

Do not long for her deeds,
For whatever you wish you won’t get.

Do not ask for her words,
For whatever you ask she won’t talk.

Do not long for her presence,
For what you ask she always escapes.

Do not ask for promises,
For whatever you ask she never stand against.'

She parted from him
And he never lived again, never lived.

And the ever greatest destruction has come upon to him,
Had she given her love to him,
He would have At least lived for once...

దిగులు

2009-07-27T21:00:00.000+05:30

నేను ప్రేమిస్తున్నాను అనే గొప్ప
విచారకరమైన భావనపై నేనెపుడూ ఖేదపడతాను.
నాకు తెలుసు అది వ్యాథిలాగ నన్ను తినేస్తుందని
యీ ప్రేమ
యిదెపుడూ నన్ను జయిస్తుంది
నా విచారపు ముసుగులో నాకు తెలీని రహస్యాలెన్నో?

నువ్వు నా దగ్గిరున్నపుడు
నన్ను దిగులు చుట్టుముడుతుంది
నువ్వు వెళ్లిపోయినపుడు యీ
వస్తు సముదాయం అంతా అర్థం లేనిది.
యీ నా ప్రేమనీ-విషాదాన్నీ
అంతటినీ గుమ్మరించేస్తాను.
అప్పుడిక నేను తపించడానికి యేమీ వుండదు.

- నీ తేలికైన అడుగుల చప్పుడు విన్నపుడో లేక
- నీ పావడ అంచు తగిలినపుడో లేక
- నీ తొలి యవ్వనపు ఆర్భాటాన్ని నింపుకున్న కంఠం
మెత్తగా నన్ను స్పృశించినపుడో
నన్ను నేను అవాస్తవికంగా చిత్రీకరించుకుంటాను
-యే ఉదయపు వాకిటో
నువ్వు దక్షిణ మారుతం కోసం వెళ్లినపుడో
-యే సాయంత్రమో 'అతని 'తో
పియానో వాయిస్తో గడిపినపుడో
- లేక 'అతను' వెళ్లిపోయిన దినాన్నంతా
విచారగ్రస్తం చేసినపుడో నిన్ను మాట్లాడించటానికి భయపడతాను!

నేస్తం! మరక పడిన నా నెత్తుటితో
నీకోసం చేయి చాచలేను.

నీ జ్వలిత హృదయాన్ని నా ప్రేమ తాకలేదు.
ప్రియా! నువ్వు నటించగలిగితే
నన్ను ప్రేమించగలవు!

TV-9 ఇంటర్వ్యూ ' స్వప్న .. ఇక్కడి వాళ్ళు ఇది ఒక కుక్క అని, దాని కాలుకు దెబ్బ తగలటం వల్ల కుంటుతుంది అని చెప్తున్నారు.'

2009-07-20T20:31:00.000+05:30

మనం రోడ్ మీద వెళ్తూ ఉంటాం. ఒక కుక్క పిల్ల కాలు విరిగి కుంటుతుంటుంది. మనకి టైం ఉంటే ఆగి దానికి ఏమి కావాలో చూస్తాం, లేదు అంటే అయ్యో పాపం అని జాలి పడి వెళ్ళిపోతాం.

tv-9 రిపోర్టర్ వెళ్తున్నాడు, వెంటనె tV-9 ఆఫిస్ కి ఒక ఫొన్ వెళ్తుంది, వాడు కెమెరామెన్ ని పంపుతాడు.

ఇక మొదలు.

క్రిష్ణ ఆ కుక్క పరిస్తితి ఎలా ఉంది? ఎప్పటి నుంచి అక్కడ ఉంది?

ఈ కుక్క మార్నింగ్ నుంచి ఇక్కడే ఉంది, ఇప్పుడు కుంటుంతుంది......స్వప్న

ఆక్కడి వాళ్ళు ఏమన్నా చెబుతున్నారా?...క్రిష్ణ

స్వప్న...ఇక్కడి వాళ్ళు ఇది ఒక కుక్క అని, దాని కాలుకు దెబ్బ తగలటం వల్ల కుంటుతుంది అని చెప్తున్నారు. ఈ విధంగా గతం లో ఆ కుక్క ఈ area లొ ఇలా కుంటలేదని, ఇదే తాము మొదటి సారి చూడటం అని చెప్తున్నారు

కుంటుతున్న కుక్క స్పందన ఎలా ఉంది? .....క్రిష్ణ

కుక్క ప్రస్తుతం కుంటుతుంది స్వప్న. ఈ విధంగా కాలుకు దెబ్బ తగలటం కొత్త అనుకుంటా, అందుకే కుంటటం రాక ఇబ్బంది పడుతుంది. మాట్లాడించటానికి ప్రయత్నించిన అది సమాధానం చెప్పకుండా, మూలుగుతుంది.....స్వప్న

థాంక్ యు క్రిష్ణ, ఎప్పటికప్పుడు తాజా పరిస్థితి సమీక్షిస్తూ ఉండటానికి మీకు కాల్ చేస్తూ ఉంటాం.

ఇది గాయపడి కుంటుతున్న కుక్క స్థితి మీద మా క్రైం ప్రతినిధి క్రిష్ణ అందించిన వివరాలు.
ఇప్పుడు ఒక చిన్న బ్రేక్..
బ్రేక్ తర్వాత కుక్కలు-కుంటుడు అంశం పై చర్చింటానికి ప్రముఖ Doctor కుక్కుటేశ్వర రావ్ గారు మన Studio కి వస్తున్నారు..

బ్రేక్ తర్వాత..........

రజనికాంత్ : చెప్పండి కుక్కుటేశ్వర్ రావ్ గారు గతం లో మీరు ఎప్పుడైన ఇలా కుక్కలు కుంటటం చూసారా? ఒక వేళ చూస్తే ఏ జాతి కుక్కలు కుంటటము చుసి ఉంటారు.

కుక్కుటేశ్వర్ : ఈ విధంగా కుక్కలు కుంటటం ఇది మొదటి సారి కాదు. ఫ్రపంచవ్యాప్తం గా ఎన్నో జాతుల కుక్కలు, ఎన్నో సందర్భాల్లో ఇలా కుంటినట్టు మనకు ఆధారాలు ఉన్నాయి. కుంటటానికి జాతి తో సంబందం లేదు.

రజనికాంత్: అంటే కుక్కలు కుంటేటప్పుడు వాటికి ఏమన్నా బాధ ఉంటుందా? ఉంటే ఎటువంటి బాధ?

కుక్కుటెశ్వర్ : బాధలో రకాలు ఉండవండి. కుంటేటప్పుడు general గా దెబ్బ తలిగిన కాలు కి నొప్పి ఉంటుంది అని Dog's Medical Science లొ గట్టి ఆధారాలు ఉన్నాయి.

రజనికాంత్ : తాజా పరిస్థితి చెప్పేందుకు మా క్రైం ప్రతినిధి క్రిష్ణ టెలి ఫొన్ లొ సిద్దంగా ఉన్నారు...క్రిష్ణ చెప్పండి..ఆ కుక్క పరిస్థితి ఎలా ఉంది.

క్రిష్ణ : (చెవిలో ear piece పెట్టుకుని బిత్తర చూపులు చూస్తూ ఉంటాడు..)

క్రిష్ణ చెప్పండి..ఆ కుక్క ఫరిస్థితి ఎలా ఉంది?

రజిని ... కుక్క మూలుగుతుంది, ఇప్పుడే blue cross వాళ్ళు దానిని తీసుకువెళ్ళారు.

కుక్క కాలు కి దెబ్బ తగిలింది, దాని ఇతర శరీర భాగాలు ఎలా ఉన్నాయి?...క్రిష్ణ

రజిని, కుక్క కాలు కి మాత్రమే దెబ్బ తగిలింది. కాని ఈ కుక్క తోక వంకర గా ఉంది.

వంకర అంటే ఎలా ఉంది...క్రిష్ణ (ఇప్పుడు రజిని మొహం లో expressions ఇంకెక్కడా చూడలేము, శత్రువు టాంకర్ ని ద్వంసం చెయ్యటానికి wait చెస్తున్న soldier face లో తప్ప)

రజిని వంకరగా అంటిచుకుని ఉంది, నేను ఇప్పటికి దానిని straight చెయ్యటనికి try చెతున్నాను కాని అది చుట్టుకుపొతుంది. బహుశ కాలు కి దెబ్బ తగలటం వల్ల అని నా ఉద్దేశం.

థాంక్ యు క్రిష్ణ....కుక్కుటెశ్వర్ గారు, కాలు కి దెబ్బ తగలటం వల్ల తోక వంకర అయ్యి ఉంటుంది అని మా ప్రతినిధి క్రిష్ణ చెప్తున్నారు, దీని పై మీ స్పందన ఏంటి?

స్పందన అంటే ఏమి ఉంటుంది రా పుండxx వెధవ...కుక్క తోక కాలు కి దెబ్బ తగలటం వల్ల వంకర అయ్యేది ఏంటి ర ధేడ్ ది xxక్. ఏమి మనిషివి రా నువ్వు, ఇప్పటి వరకు నువ్వు రాసి ఇచ్చిన answers చదివాను, ఇంక నా వల్ల కాదు, నా టీ మరిగిపొతూ ఉంటుంది. బంగారం లాంటి మల్లయ్య అనే పేరు మార్చి కుక్కుటెశ్వర్ రావ్ అని మార్చి, షర్ట్, పాంట్ రెంట్ కి తెచ్చి నాకు ఇచ్చి డాక్టర్ లాగ act చెయ్యలా? ఇల act చేస్తె నా tea కొట్టు నుంచి ఎదురు గా ఉన్న మీ tV-9 office కి రోజు 100 tea లు ఆర్డెర్ ఇస్తారా. మనస్సాక్షి ఉందంట్ర వెధవ *్*్*్*.దొంగ నా &%%్**( గాలి న &$%్**.. మీ బతుకులు చెడ....)

(ఇలా తిడుతు ఉండగానే, tV-9 లోగొ వచ్చి, మెరుగైన సమాజం కొసం చుస్తూనే ఉండండి tV-9 అని voice వినిపించి ads రావటం మొదలవుతాయి..)

Source: A mail from friend

అల్లూరి సీతారామరాజు స్వంత దస్తూరితో ఉత్తరాలు | 113వ అల్లూరి జయంతి

2009-07-04T09:59:00.003+05:30

(Click on the images to view in full size)

నెట్ లో అనుకోకుండా ఒక వెబ్ సైట్ తగిలి దాంట్లో అల్లూరి సీతారామరాజు స్వంత దస్తూరితో వున్న కొన్ని ఉత్తరాలు కనబడ్డాయి. ఈ documents AP State Archives and Research Institute వారి ఆధ్వర్యంలో భద్రపరచబడ్డాయి.

మైఖేల్ జాక్సన్ ని కదిలించిన ఠాగూర్ కవిత్వం...

2009-07-01T22:53:00.001+05:30

మైఖేల్ తన జీవిత చరమాంకంలో విశ్వకవి రవీంద్రనాథ్ ఠాగూర్ కవిత్వాన్ని చదివారు. కొన్నేళ్ల కిందట... రవీంద్రనాథ్ ఠాగూర్ ప్రసిద్ద రచన 'పోస్టాఫీస్ ' చదివిన మైఖేల్ ఎంతగానో చలించిపోయారు. ఠాగూర్ ఇంకా బతికే ఉన్నారనుకుని భారత్ కు రహస్యంగా వచ్చి శాంతినికేతన్ చేరుకున్నారు. ఠాగూర్ చనిపోయి దశాబ్దాలు దాటిందని తెలుసుకుని తీవ్ర నిరాశతో తిరిగి వెళ్లారు.

1996 లో ముంబైలో ప్రదర్శనలు ఇచ్చినప్పుడు భారత్ పై తనకున్న ప్రేమానురాగాలను మైఖేల్ భావోద్వేగభరితంగా వ్యక్తం చేశారు. ముంబై నుంచి వెళ్లిపోతూ తన దిండు కవరుపై ఇలా రాశారు.

'భారత్ ! నిన్ను చూడ్డానికి యీ జీవితమంతా వేచి ఉన్నా. నిన్ను, నీ ప్రజలను కలుసుకున్నా, నీ ప్రేమలో పడిపోయా. నిన్ను విడిచి వెళ్లిపోతున్న యీ సమయంలో నా గుండె వేదన, నిరాశతో నిండిపోయింది. భారత్... నేను మళ్లీ నీ దగ్గరకు వస్తానని, నిన్ను ప్రేమతో ఆలింగనం చేసుకుంటానని హామీ ఇస్తున్నా. నీ దయాగుణం, ఆధ్యాత్మిక చైతన్యం నన్ను కదిలించాయి. నీ ప్రజలు నా హృదయాన్ని తాకారు. వాళ్లు దేవుడి ప్రతిరూపాలు. నేను నిన్ను గాఢంగా ప్రేమించా . నువ్వు నా ప్రత్యేక ప్రేమదేశానివి. దేవుడు నిన్ను ఎల్లప్పుడూ దీవిస్తూ ఉండాలి. '

| సాక్షి పేపర్ 01/07/09

ఈశ్వరుడి మనసు , ఉద్దేశాలూ - 2

2009-06-05T22:55:00.002+05:30

అవును. ఏమైనా ఆయనకే వొదలండి. నవ్వుతో హాయిగా తిరగండి. ఆడుకోండి.
బైట ఆడుకునే బిడ్డ సందేహిస్తుందా, ఇంట్లో వున్న తల్లి వేళకి అన్నం పెడుతుందో లేదో అని.
ఆలస్యమయిందా ఆ రోజు పండగన్నమాట. పరమాన్నంతో వడలతో వస్తుంది భోజనం.

ఈశ్వరుడికి మానవుడిపైన, ముఖ్యం తన భక్తులపైన నిర్వాజ్యమైన కరుణే లేకపోతే, ఏ మానవుడూ ఆయన ప్రేమకి అర్హుడు కాదు. మీరొక్కరేకాదు. ఎవరూను, ఈశ్వరుడిలో విశ్వాసం ఎక్కువైనకొద్దీ, అన్ని దుర్గుణాలు పోతాయి. అరుణాచలాన్ని చూడగానే ఈశ్వరుడికింద అంత దగ్గరిగా గుర్తించగలగడం ఏదో పూర్వజన్మ విశేషం.

ఒకటి రాయండి.

గిరి ప్రదక్షిణంలో
మీ వెంబడి వొచ్చిన ఆయన పేరు,
ఆయన ఆకారం,
ఎంత దగ్గిరగా వర్ణించగలిగితే అంత దగ్గిరగా వర్ణించి రాయండి.
మీరు ఆయన్ని ఎక్కడ కలుసుకున్నారు?
ఎక్కడ ఆయన మిమ్మల్ని వొదిలారు?

ఈశ్వరుడి మనసు , ఉద్దేశాలూ - 1

2009-06-05T22:40:00.001+05:30

ఇవన్నీ ఈశ్వర ఉద్దేశాలుగా, మనసుగా చెలం చెబుతాడు రమణాశ్రమ జీవితకాలంలో . షౌ చేత ఈశ్వరుడు పలికిస్తున్నాడని చెలం విశ్వాసం. వీరేశలింగం గారికి ఉత్తరాల్లో ఈశ్వరుడి ఉద్దేశాలను చాలా స్పష్టంగా తేటపరుస్తున్నాడీ విధంగా...

అవును. యీ ఆధ్యాత్మిక సాధనలో ఇట్లాంటి పరీక్షలు ఎన్నో జరుగుతాయి. ఇక్కడికి వొచ్చిందాకా ఎందుకు? మీకు అక్కడే సాధన ప్రారంభమయి జరుగుతోందన్నమాట. ఈశ్వరుడి ఆజ్ఞకి ఎదురు తిరగడం మానవ స్వభావం. మీరన్నట్టు ఈశ్వర సహాయం లేనిది, మన మనసునీ దాని కోరికల్ని జయించలేము. ప్రశ్నలు వేసినందుకు చిరాకు రాదు.

కాని స్పష్టంగా తెలుస్తున్న దాన్ని కప్పిపుచ్చుకొని చూడ్డం ఇష్టంలేక ఏవో ముళ్ళు పెట్టి, ఆ కోర్కెల్ని నేనుగాని, ఈశ్వరుడుగాని, సమర్థించాలని ఎట్లాగో అంగీకారాన్ని సంపాయించాలని చూస్తుంది. అసలు ఈశ్వరుణ్ణి ప్రశ్నించనఖ్ఖర్లేదుకూడానూ. ప్రతి నిమిషం ఆయనే నడిపిస్తున్నారని, నిర్ణయిస్తున్నారని తెలిసిన కొద్దీ ప్రశ్నలు వెయ్యము.

ప్రతి సందేహాన్ని తీర్చుకోండి.
ఈశ్వరుణ్ణీ అడగండి ఏమి చెయ్యాలని.
కాని ఆయన ఆజ్ఞ ప్రకారం నడుచుకోండి.

మహాకవి శ్రీ శ్రీ | ఫోటోల్లో ( > 50 )

2009-05-03T19:39:00.000+05:30

మహాకవి శ్రీశ్రీ సొంతగొంతుకలో మహాప్రస్థానం, వీడియో, మహాప్రస్థానం ebook ఇక్కడ చూడండి

మహాకవి శ్రీశ్రీ | వీడియో | ఫోటోలు(50) | సొంత గొంతుక | మహాప్రస్థానం eBook

2009-05-03T19:15:00.000+05:30

మహాప్రస్థానం
Download from here

Mahaprasthanam srisri.

Publish at Scribd or explore others: Poetry Creative Writing srisri mahaprasthanam

మహాప్రస్థానం శ్రీశ్రీ గొంతుకలో ఇక్కడ

వీడియోలో

to be contd

' సంకేత స్థలం ' | ఒక రష్యన్ కవిత స్వేఛ్చానువాదం

2009-05-03T13:47:00.000+05:30

చలం స్వాతంత్ర్యసమరంలో ఎందుకు దూకలేదు ? పిరికివాడిగా ఎందుకు మిగిలిపోయాడు ?

2009-04-08T17:20:00.000+05:30

యీ ప్రశ్న చెలానికీ, చెలం లైఫ్ స్టైల్ కీ చాలా అసంబద్దంగా తోస్తుంది. నిజంగా యీ ప్రశ్న చెలానికి సంబంధించి యింత అసంబద్దమా? మన స్వాతంత్ర్య పోరాటంలోంచి చెలాన్ని విడిగా చూడటానికి అలవాటుపడ్డామా?

వందల సంవత్సరాలుగా విదేశీయుల చేతుల్లో బానిసలుగా పరమ నీచాతి నీచంగా హేయంగా బ్రతుకుల్ని ఈడుస్తో దాస్యవిముక్తి కొరకు రెండు వందల సంవత్సరాల నుంచి లక్షలాది ప్రాణాల్ని బలిపెడ్తో , విదేశీ ముష్కరాల్తో పోరాడే తరుణంలో చెలం వ్యక్తి స్వేచ్చ గురించి, కుటుంబం గురించి, సంసారం గురించి, సెక్సు గురించి పుంఖానుపుంఖాలుగా రాసుకుంటో పోవడం, తన చూట్టూ వున్న సమాజం స్వతంత్ర్య సమరంలో అట్టుడికిపోతూ వుంటే ఆ జ్వాలల సెగలేవీ చెలానికి తగలలేదా అని చాలా సార్లు ఆలోచించాను. చెలానికి దేశం దుర్గతి స్థితి పట్టలేదా?

అయితే చెలం ఏ ఉబుసుకోక కబుర్లు రాయలేదన్నది నిజం. ఆయన రాసినవేవీ సమాజపు శ్రేయస్సు పరిధి దాటలేదన్నది అంతకన్నా సత్యం. భారత ప్రజానీకం దాస్యశృంఖలాల్తో మగ్గిపోతున్నపుడు వ్యక్తి స్వేచ్చ గురించి , సంసారం గురించి రాసినా వాటి ఫలాలు, నుంచి మన స్వాతంత్ర్యాన్ని సంపాదించినపుడే అనుభవిస్తామన్నది నిర్వివాదాంశం.

చెలం మాటల్లో

'... కాని ప్రజలు చచ్చిపోతున్నారు . నాకు చావంటే భయం లేదు. కాని చావాలని లేదు. జీవితమంటే ప్రేమ నాకు. దేశంలో విశ్వాసం లేదు. . .కాని యీ ఉద్యమం మొదటిరోజుల్లో శిబిరాల్లోని మహోత్సాహాన్ని చూసినపుడు గొప్ప అనుభవాన్ని మిస్ అవుతున్నాననిపించింది. ప్రతికక్షుల న్యాయాన్ని, అబద్దాన్ని చదివినప్పుడు నా రక్తం వుడుకుతుంది... కాని వారివల్ల బాధితులైనవాళ్ళ మీద జాలి అన్నా కలగదు నాకు.’

అయినా చెలానికి యేదోషం అంటగట్టలేం.

అతని పోరాటమంతా అక్షరాల్తో. స్త్రీ కోసం, స్వేచ్చ కోసం, సమాజ శ్రేయస్సు కోసం, పిల్లల కోసం అక్షరాలనే ఆయుధాలుగా మలిచి సమాజంలోని రుగ్మతలపై సైద్దాంతికంగా దాడికి దిగాడన్నది జగమెరిగిన సత్యం

అయితే చెలం పిరికివాడా?

' ...ఇదంతా తన భీరుత్వాన్ని సమర్దించుకోడానికి నా మనసు అల్లుకున్న వేదాంతమేమో? ఇట్లా ఆలోచించుకుంటో నిర్వీర్యుణ్ణిగా వుంటున్నాను. నా యోచన మీకు అర్థమయిందనుకుంటాను. నన్ను ప్రోత్సహించే ఆలోచన ప్రేమ కాదు. పిరికినని నన్ను నేనే నిందించుకోడంవల్ల కలిగే బాధ…’

పేరుకోసం ఉద్యమంలోకి వెళ్ళినవారూ, ఇంటికెదురుగా రక్తపుటేరులు పారుతోన్నా ఇంట్లో కొంగజపం చేసుకోంటో కూర్చున్నవాళ్ళకంటే చెలం యెపుడూ యేనాడూ పిరికివాడూ, అశక్తుడూ కాదు. తన బాధ్యతను యే రూపేణా కానీ సంపూర్ణంగా నేరవేర్చటానికే కంకణం కట్టుకున్నాడు. వెలివేయబడ్డాడు.

స్వాతంత్ర్యసమరం మీదా, దేశభక్తిమీద, గాంధీ మీద, పిరికితనం మీదా, పిపోక్రసీ మీదా చెలం భావావేశాల కెరటాల్ని ఇక్కడ స్పృశించండి పూర్తిగా

చలం ఉత్తరాలు | గుంటూరు 9-4-1930

2009-04-03T15:36:00.002+05:30

గుంటూరు 9-4-30 రాత్రి 9 గంటలు.

Dear apple of my eye, or orange of my ear or పంపరపనస of my nose,

బైట అందమైనవెన్నెల మీ పెద్దమంచం మీరు వేసుకునే చోటనే నేను కూచుని వ్రాస్తున్నాను. మనం విటమినులు తిన్నచోట మీరూ, నేనూ, సన్నీ, ముగ్గురం. విటమిను బాంబులూ, ఫిరంగులూ - Happy days.

సభాపతి బైట పేక ఆడుతున్నారు - ఏకతారగాళ్లతో , అతని నవ్వులో ఏదో పేచీ వుంది

[... read more...]

వోవర్ నైట్లో రా(తే)జ వారు ఫాప్యులర్ అయిన విధంబెట్టిదనిన ...

2009-04-02T22:56:00.000+05:30

తేజ (చిత్రం డైరెక్టర్ ) మాటల్లోనే ( సాక్షి పేపరుకిచ్చిన ఇంటర్వ్యూ నుంచి )

“చెన్నైలోనే పుట్టి పెరిగాను. నాకు ఒక అక్క. చెల్లి. మూడేళ్ళ వయసులోనే అమ్మ పోయింది. ఆవిడెలా ఉండేదో కూడా గుర్తులేదు. ఎనిమిదేళ్ళ వయసులో నాన్న పోయారు. తల్లిదండ్రులు ఇద్దరూ లేకపోయేసరికి మా ముగ్గురినీ ముగ్గురు చుట్టాలు పంచుకున్నారు. నన్ను పెంచుకుంటున్న వాళ్ళు బయట పడుకోమన్నారనే రోషంతో నేను బయటకొచ్చేశాను. ఒక లారీ డ్రైవర్ దగ్గరకెళ్ళి, 'అమ్మా వాళ్ళు బస్సులో వెళ్ళిపోయారు, నేను మిస్సయ్యాను ' అని ఒక అబద్దపు కథ చెప్పి విజయవాడలో దించమని అడిగాను.

అక్కడకెళ్ళి పెదనాన్న కలవగానే ఆయన 'ఏదయినా ప్రాబ్లం ఉంటే రమ్మని మాటవరసకు అంటే నిజంగా వచ్చేయడమే!'అని అనగానే వెంటనే అదే లారీ డ్రైవర్ దగ్గరకు పరుగెత్తుకుంటూ వెళ్ళి 'తప్పైపోయింది... నీతో అబద్దం ఆడాను. నన్ను మళ్ళీ చెన్నై తీసుకెళ్ళి, నాకో ఉద్యోగం ఇవ్వవా?' అని అడిగాను. అప్పుడతను నన్ను లారీ క్లీనర్ గా తీసుకున్నాడు. తర్వాత కొన్నాళ్ళకి ఉదిపి హోటల్ లో పొద్దున 04.30 నుంచి 8 గంటల దాకా ఇడ్లీలు తీసే జాబ్ చేసేవాడిని. తర్వాత అవే ఇడ్లీలు ప్రొడక్షన్ వ్యాన్ లో ఎవిఎం స్టూడియోకి తీసుకెళ్ళేవాడిని. మధ్యాహ్నం నుంచి అక్కడే ఫ్లోర్ క్లీనర్ గా కూడా చేసేవాడిని..”

నిజంగా తేజాది చాలా దీన గాధ. పాపమనిపించింది

“ ఫ్లోర్ క్లీనర్ నుంచి మెల్లిమెల్లిగా కెమెరా డిపార్ట్ మెంట్ లో జాయినయ్యి దాదాపు 120 సినిమాలు, 10 టీవీ సీరియల్స్ చేశాను. ఆ తర్వాత ఓ 12 సినిమాలకి అసిస్టెంట్ కెమెరామన్ గా కూడా పనిచేశాను. ఆ టైంలోనే అందరినీ కూర్చోబెట్టి కథలు చెప్పేవాడిని.

అది ఒక అసిస్టెంట్ డైరెక్టర్ గమనించాడు.

ఉన్నట్టుండి ఓ రోజు నన్ను పిలిచి 'నేను ఒక సినిమాకి డైరెక్టర్ ని కాబోతున్నాను.షూటింగ్ హైదరాబాద్ లో చేయాలనుకుంటున్నాను. నువ్వు నాకు హెల్ప్ చేస్తావా?' అని అడిగాడు. 'సరే' అని నెలజీతం మీద హైదరాబాద్ వచ్చి ఆ సినిమాకి అతనికి స్క్రిప్ట్ లో హెల్ప్ చేశాను.

ఆ సినిమా సూపర్ హిట్! ఆ సినిమా పేరే 'శివ’, ఆ దర్శకుడే 'రాం గోపాల్ వర్మ’! కొన్నాళ్ళ తర్వాత రాము నాకు 'రాత్రి ' సినిమాకి మెకెరామన్ గా బ్రేక్ ఇచ్చాడు. ఆ సినిమా ఆమిర్ ఖాన్ (యీయన బాలీవుడ్ ఫేమస్ యాక్టరే కదా ) చూసి, నా కెమరా వర్క్ నచ్చి, నన్ను పిలిచి - 'నువ్వు ఒక్క కెమెరా వర్క్ లోనే కాక స్క్రిప్ట్, డైరెక్షన్ లో కూడా ఇన్ వాల్వ్ అవుతావని విన్నాను. నాకో ఫ్రెండ్ ఉన్నాడు. అతను మొదటి సారి సినిమా డైరెక్ట్ చేస్తున్నాడు. నువ్వు అతనికి హెల్ప్ చేయాలి ' అన్నాడు. ఆ డైరెక్టర్ పేరు అశుతోష్ గోవరికర్, సినిమా పేరు 'బాజి ' ( లగాన్, స్వదేశ్ దర్శకుడు ) . ఆ సినిమాకి 2-3 ట్రక్కులు వాడి తీసే షాట్ ని నేను, రెండు టార్చ్ లైట్లతో తీశాను. ఆ విషయం పొద్దుటికల్లా బాంబే అంతా స్ప్రెడ్ అయిపోయింది !నైట్ అంతా షూట్ చేసి పొద్దున లేచేసరికి రూంబయట 7-8 మంది ప్రొడ్యూసర్లు (బాలీవుడ్డు ప్రోడ్యూసర్లే ?! ) వెయిటింగ్. అలా మొదలింది నా కెరీర్.”

ఇప్పుడు రాజావారిని ( అయ్యో సారీ, తేజావారిని ) చూస్తే నిజ్జంగా పాపమనిపిస్తోందా?

This article in pdf can be downloaded from here

చావుపుటకల సమస్య గురించి | చెలం

2009-03-31T23:22:00.002+05:30

'శశిరేఖ ' గురించి రాస్తూ శ్రీ శివశింకరశాస్త్రి తన పీఠికలో-'ప్రేమ శాశ్వతమా చంచలమా అని కొందరు ప్రశ్నిస్తారు. గాడానురాగం శాశ్వతము కాదని యెవరనగలరు? అయితే జీవితంలో ప్రేమ ఒకసారి కలుగుతుందా, అనేక పర్యాయములు ఉదయిస్తుందా? ఈ విషయంలో భేదాలున్నవి. ప్రేమామృత ఝరి హృదయంలో నిరంతరమూ ప్రవహించేవారు ఎక్కువసార్లు ప్రేమించగలరు. ఏక కాలములో ఇద్దరు వ్యక్తులను మాత్రము సమానముగా ప్రేమించడం అసంభవం. ఒకరిమీద అనురాగం సడలిపోయిన తర్వాత ఇంకొకరిమీదికి ప్రసరించవచ్చును ' అని కథానాయికను జాగ్రత్తగా సమర్థిస్తూ ' ఈ కథానాయిక సామాన్య స్త్రీ కాదు. ఈమె ప్రేమైక జీవిని. అందుచేతనే తనకు యోగ్యుడైన ప్రియునికోసమై ఎట్టి త్యాగమైనా చేసింది. స్వాతంత్ర్యములేని సామాన్య స్త్రీలవంటి పతివ్రత ఈమె కాదు ' అని రూలింగ్ యిచ్చారు.

రామ్మూర్తి రత్నమ్మ, చలం-కృష్ణశాస్త్రి. సత్యవతి వీరి సంబంధాలను వ్యావహారిక జగత్తు నుంచి విడదీసి చూడడానికి తాత్త్వికమైన ప్రాతిపదికను శాస్త్రిగారు తమ పీఠికలో తెచ్చియిచ్చారు. శశిరేఖ గురించి చలమే ముగింపులో

[...Read more...]

చలం ఉత్తరాలు

2009-03-30T12:26:00.000+05:30

గుంటూరు,
14-03-30

my dear pendulum,

మీ వుత్తరానికి వెంటనే జవాబువ్రాసితీరాలనిపిస్తోంది. అంతపని తొందరలో వ్రాసినా
మీ వుత్తరం సోడామల్లె పొంగుతోంది. పెట్టిపోయిన ఆ మూర్ఖపు గొడవనతా ఒక్కసారిగా మానేశాను.
సూర్యనమస్కారాలు ముఖ్యం. అలసిపోయినాను. ఏ మాత్రం లేదు Inspiration , బైటనించి గాని, లోపల్నించి గాని.

మా హెడ్మాష్టరు కుదర్చడానికి రోగుల్ని వెదకడంలో నిమగ్నుణ్ణి ప్రస్తుతం. కొంతశక్తి వుంది ఆయనకి. కాని వుత్త nonsense మాట్లాడుతాడు. ఆ సాహేబు, ఎన్నేళ్ళకిందో చచ్చిపోయిన యీవూరి ఉర్సుమస్తానుని కలుసుకొని మాట్లాడానంటాడు.

రోజూ నేనూ సుబ్బారావూ జాగ్రత్తగా జరుగుతున్న సంగతుల్ని గమనించి గాంధీగారిని చర్చించుకుంటున్నాము.
నా వుత్సాహాన్ని అణిచిపెట్టడం కష్టంగా వుంది. ఏ నిమిషానో తెంచుకుని ఆయనతో చేరి పోతానేమో ? ఎవరికి తెలుసు ?

మొన్న రైల్లో సౌరిస్ టాగూరుగార్ని కలుసుకుంది. [..read more...]

సుషుప్తి

2009-03-21T22:17:00.002+05:30

వాళ్లెందుకట్లా

నన్నింకా యింకా లోతుగా

సమాధి చెయ్యలేదు.

... నాకు అదొక అశాంతి నిద్ర

నేను సగమే చచ్చానేమో

నా సమాధి పైనుంచి

అడుగుల చప్పుడు వినిపిస్తోంది

నన్నింకా.. యింకా లోలోతుగా

సమాధి చెయ్యమన్న నా కేక

గగనాన్ని తాకుతోంది.

అప్పుడిక అనంత విశ్రాంతి నిండిన నిద్రలోకి జారుకుంటాను...

ఎం.ఎఫ్.హుస్సేన్ - No(n)-Sense Fellow - Part 1

2009-03-20T11:13:00.000+05:30

హిందూ దేవతల్నందర్నీ నడిబజారులో నిలబెట్టి వివస్త్రల్ని చేసిన ఎం.ఎఫ్.హుస్సేన్ ని నెత్తికెక్కించుకున్న మన సెక్యులరిజం ఎంత గొప్పదో, మనం ఎంత సహనశీలురమో ఈ క్రింద ఆ మహానుభావుడు గీసిన పెయింటింగ్స్ చూసి చెప్పండి. ఆ (వికృత వి)చిత్రకారుడిని దేశంలోంచి ఎందుకు వెలివేయకూడదు?
కేరళ ప్రభుత్వం ఈ మహానుభావుడికి రవివర్మ అవార్డు ప్రకటించింది. రవివర్మకూ, హుస్సేన్ కూ తారతమ్యం చూడండి. ఇంకా, దేవుళ్లని అంతర్జాతీయ బజారుకీడ్చిన వైనాన్ని చూడండి.

RAVI VARMA

M.F.HUSSAIN

RAVI VARMA

M.F.HUSSAIN

దుర్గాదేవి - M.F.HUSSAIN

లక్షీదేవి, వినాయకుడు(?) తలపైన - M.F.HUSSAIN

పార్వతీదేవి - M.F.HUSSAIN

ఆంజనేయుడు - సీత - రాముడు - M.F.HUSSAIN

Drop comments if u want this article in pdf

Adolf Hitler’s Mein Kampf | స్వీయ ఆత్మ కథ

2009-03-18T22:17:00.001+05:30

Featured Download

Adolf Hitler Mein Kampf in pdf

Mega Collections of CHIRU’s Personal Photos

2009-01-18T18:33:00.000+05:30

Complete Jail Note Book of Bhagat Singh

2009-01-14T06:11:00.000+05:30

Jail Note Book of Shahid Bhagat Singh

Publish at Scribd or explore others: Asian History jail note book indian freedom strug

This Diary / Jail Note Book can be downloaded from here

Ramalinga Raju's Resignation letter

2009-01-09T16:33:00.003+05:30

భగత్ సింగ్ ప్రిసన్ (PRISON) నోట్స్ - Page Wise

2008-12-22T12:47:00.000+05:30

భగత్ సింగ్ అంటే బాంబులు విసిరినవాడు - కత్తులు దూసినవాడు - రక్తం చూసినవాడని.అందుకే ఉరికంబానికి గురయ్యాడన్న ప్రచారం చేశారు. పరాయి పాలకులు పోయారు. స్వాతంత్ర్యం సాధించుకున్నాం. ఇన్నేళ్ళు గడిచాయి. అయినా స్వతంత్ర భారత చరిత్రలో అతని కన్యాయం జరిగింది. 'టెర్రరిస్టు ' గా ముద్ర వేసింది.2 4 సంవత్ర్సరాల జీవితంలో, 10 సంవత్సరాల రాజకీయ అనుభవంలో భగత్ సింగ్ ఎలా పరివర్తన చెందాడో గమనిస్తే - అతని టెర్రరిజం భావాలు స్వల్పకాలమే. అధ్యయనం, అనుభవం-అతన్ని రాజకీయవేత్తగా సిద్దాంతకర్తగా తీర్చిదిద్దాయి.డిల్లీ హైకోర్టు విచారణలో భగత్ సింగ్

'విప్లవమంటే రక్తపాతం కాదు. వ్యక్తిగత ద్వేషం కాదు. లేక బాంబు-పిస్తోలు కాదు. విప్లవమంటే యూనాటి వ్యవస్థను, దాన్ని కాపాడే శాసనాలను, వాటి ఆధారంగా జరిగే అక్రమాలను అరికట్టడం . సంపద సృష్టించే శ్రామికుని రక్తం పీల్చివేయబడుతుందీనాడు. అతని ప్రాథమిక హక్కులు హరించబడుతున్నాయ్. పంటలు పండించే రైతు సకుటుంబంగా పస్తుల పాలవుతున్నాడు. బట్టలు నేసి, గుట్టలుగా వేసే చేనేత కార్మికుల బిడ్డల వొంటి మీద బట్ట కరువైపోయింది. పెద్దపెద్ద మేడలు కట్టే కార్మికులు మురికివాడల్లో మ్రగ్గుతున్నారు ఎందుకు ? దీనికంతటికీ మూలం ఒకదేశం మరొక దేశాన్ని, ఒక మనిషి మరొక మనిషిని దోచుకోవడమే. పెట్టుబడి దారీ విధానమే యిందుకు మూలం. అది అంతం కావాలని, దానికోసమే తమ పోరాటమ'ని స్పష్టం చేశాడు.

అది విప్లవం ద్వారా సాధ్యమవుతుందని కార్మిక-కర్షక రాజ్యమేర్పడుతుందన్నాడు. పెట్టుబడిదారుల వర్గ దోపిడీ నిండి ప్రజలకు విముక్తి లభిస్తుందన్నాడు. యుద్దాల మారణ హోమం నుండి ప్రపంచ ప్రజానీకాన్ని విముక్తి చేసి, సమసమాజాన్ని స్థాపిస్తుంది. అదే తమ సిద్దాంతమని వివరించాడు. న్యాయమైన హక్కుల సాధనకోసం హింసా పద్దతి అనుసరిస్తే నైతికంగా అది సమర్థనీయమే. హింసను పూర్తిగా తొలగించాలని మీరు భావిస్తే అది మీ వెర్రితనమే అవుతుంది. గురుగోంద్ సింగ్, శివాజీ, కమల్ పాషా, రిజాఖాన్, వాషింగ్టన్, గారీబాల్డీ, లఫాయటే, లెనిన్ మొదలైన మహానాయకులు మాకు ఆదర్శం. వారి ఆదర్శాలు మాకు ప్రేరణ. ఆ ఆశయాల సాధంకోసం మా నూతన పోరాటం ప్రారంభమయ్యిందన్నాడు.

ప్రభుత్వం భగత్ సింగ్ రాజకీయదాడిని తట్టుకోలేకపోయింది. అతని రాజకీయ వాగ్యుద్దం ప్రజల్లో కలుగుతున్న ప్రభావాన్ని అంచనా వేసుకుంది. భగత్ సింగ్ ను కోర్టుకు హాజరుపరచకుండా, చిత్రహింసలకు గురి చేసి జైలుగోడల మధ్యనే బంధించింది. జైలును కూడా పోరాట వేదిక చేశాడు. నాలుగు గోడల మధ్యనే శాంతియుత సమరం సాగించాడు. నిరాహార దీక్షతో ప్రభుత్వాన్ని హడలెత్తించాడు. ఆ వార్త దేశంలోని జైళ్ళన్నింటికి ప్రాకి, నిరాహారదీక్షల సమరంగా మారింది. విప్లవకారులు తుపాకులు పేల్చడం , బాంబులు విసరడమేగాదు, శాంతియుత పోరాటంలోను విప్లవదీక్షను రుజువు చేశారు.

దేశమంతా భగత్ సింగ్ ప్రాణాన్ని కాపాడాలని ఘోషిస్తుంటే
' నా ప్రాణం అంత విలువైనది కాదు. దేశం, దేశ స్వాతంత్ర్యం ముఖ్యం. ప్రాణాన్నివ్వడం ద్వారానే దేశానికి మేలు చేయగలుగుతాను. జాతిని నిద్రలేపగలుగుతాను-ఇన్ క్విలాబ్ నినాదం దేశమంతా ప్రతిధ్వనింప చేయగలుగుతానని ప్రతినబూని సామ్రాజ్య వాదుల ఉరికొయ్యలపై వొరిగిపోయిన వీరుడు భగత్ సింగ్ తను జైళ్ళో వుండగా రాసుకున్న నోట్స్ Page wise ఇకనుండి చదవండి.

జ్ఙాపకాలు !

2008-12-07T23:49:00.000+05:30

ప్రపంచానికిదొక అపరిచిత వూరు!
సీలేరు!
భద్రాచలం నుంచి 160 కి.మీ. దూరంలో దట్టమైన అడవుల్లో , ఎత్తైయిన కొండ మీద (1340 అడుగుల ఎత్తున సముద్ర మట్టానికి), ఇంకో పక్క నర్సీపట్నం నుంచి చింతపల్లి అడవులమీదుగా 220 కి.మీ. దూరాన వుంటుంది. అపుడక్కడ నాలుగేళ్లుగా యింజనీర్ గా పవర్ ప్రాజెక్ట్ లో ఉద్యోగం. ఆధ్రా-ఒరిస్సా బార్డర్ అనీ మనం పేపర్లో చూసేది ఇదీ ఒకటే. భౌగోళికంగా మూడు జిల్లాలకు (తూ.గో, ఖమ్మం , వైజాగ్) , మూడు రాష్ట్రాలకు (చత్తీస్ ఘడ్, ఆంధ్ర ప్రదేశ్ , ఒరిస్సా ) లకు వారధి. అక్కడ ఎపిజెన్ కో వారి 4x60 MW పవర్ ప్లాంట్ వుంది.

*

ఆకులు రాలుతో చేసే శబ్దమూ గాలి చేసే సవ్వడి తప్ప యింకా యే మనుషుల అలికిడీ యెక్కువగా లేని యీ వూరు కొలనులో తేలియాడే తామర తాడులా స్తబ్దంగా బద్దకంగా వుంటుంది. భానుడు తన లేలేత ఆశా కిరణాలను , ఆ వూరుని దట్టంగా కప్పిన చెట్లల్లోంచి చొప్పించటానికి ప్రయాసపడే ముందే వూర్లోని ఆంజనేయస్వామి గుళ్లో హనుమాన్ చాలీసా హుషారుగా గాల్లో అలలుగా తేలుతో వూరిని నిద్ర లేపుతుంది. అపుడపుడే వూరు బద్దకంగా వొళ్లు విరుచుకుంటో సోమరిగా నిద్ర లోంచి మేల్కొంటుంది.

ఆ తరువాత సినిమా రీలును ఫాస్ట్ ఫార్వాడ్ చేసినట్టు జీవితం జాగింగ్ లోంచి రన్నింగ్ లోకి పరిగెడుతుంది.. వూర్లో ఒకే సాహెబు కిరాణా కొట్టు, రావు కూరగాయల షాపూ , తమిళ అయ్యర్ టీ బడ్డీ, రమణారావు హెయిర్ కట్టింగ్ సెలూనూ, భారతి బేంగిల్స్ స్టోరూ, అందర్నీ ఒకే చోట కలుపుతాయి. పోలీస్ ఠాణా వొకటి వూరికి పొకిమేరల్లో... కల్మషాలకు దూరంగా గలగలా పారే నది ప్రవాహపు ఉత్సాహాన్ని అడ్డుకట్ట వేసిన ఒక డ్యాం. ఆ డ్యాంలోంచి క్రమబద్దంగా వదిలే నీరు పవర్ హౌజ్ కు వెళ్లి విద్యుత్తు తయారీకి వుపకరించి శబరీ నదితో సంగమమవుతుంది. అదో జీవనదిలాంటిది. సీలేరు నది ఎండిపోవటమనేది అక్కడి ప్రజలు ఎప్పుడూ చూసి ఎరుగరు.

కూరగాయలు పండించుకోంటో, వేటాడుకుంటో నాగరికతకు దూరంగా గిరిజనులు సుమారు 2000 వరకు జనాభా. అణుఒప్పందాలపై రభస జరిగినా, స్టాక్ మార్కెట్లు కుప్పకూలినా, ఐశ్వర్య పెళ్లి చేసుకున్నా, బాంబులతో దేశం ఉలిక్కిపడ్డా ఇక్కడి ప్రజలేమీ తొణకక భానుడు నిప్పులు చెరిగేవేళ చెమట్లు కక్కుతో మట్టిలో పనిచేసి సాయంత్రానికి రెండు చుక్కలు సోమరసాన్ని తాగి ఆటలు పాడుకుంటో నాట్యం చేసి అలసిసొలసి పడుకుండిపోతారు. మర్నాడు అనివార్యంగా మొదలైయే రోజూవారీ యాంత్రిక జీవితానికి శక్తిని సమీకరించుకోంటో ... ఎలక్షన్లపుడు కూడా ఎవరూ తొంగి చూడని వూరది. న్యాయాన్యాలూ, నైతికానైతికాలూ, పాపపుణ్యాలూ, కుట్రలూ కుతంత్రాలూ యింకా ప్రవేశించని బ్రతుకులే యెక్కువ అక్కడ.

మేం 10 యింజనీర్లం అక్కడ. మాకు కొద్దిగా వర్కర్స్ స్టాఫ్. మేమే నాగరికతకూ, నవీన ప్రపంచానికి ప్రతీకలం . అపరిమితమైన ప్రపంచం,లోకజ్ఙానం తెలిసిన మాలో ఏదో అశాంతి. ఆ వూరికీ మిగతా ప్రపంచానికీ మధ్య యేదో గీత!వెలివేత లాంటిది ! యేదో చింత మాలో ! యెందుకు మాలో అంత రెస్ట్ లెస్ నెస్??,అశాంతి???. ప్రపంచానికి దూరంగా వుండి మేమేం కోల్పోతున్నామో, శరవేగంతో దూసుకువెళ్లే ప్రపంచాన్ని అందుకోలేకపోతున్నామనే వేదన.

ఆనందానికి దుఃఖానికి నిర్వచనం మాకు తెలుసు కాబట్టి ఇంత అలజడా మాలో? మరి వీళ్లకు యేం తెలుసని యే అశాంతి లేకుండా జీవితాల్నిలా గడిపేస్తున్నారు.

సరే! మేం ఎలాగో ఎపుడో వెళ్లిపోయి ప్రపంచోత్సవంలో కలుస్తాం. మరి వీళ్లు. ఇక్కడే పుడుతో కొండల్లో ఆడుకుంటో పెరిగి ఇదే మట్టిలోనే కలిసిపోయే వీళ్లకు సంతోషానికి నిర్వచనం తెలుసో లేదో అని చాలాసార్లు ఆలోచించేవాడిని.

***

వీలుంటే మళ్లీ యీ వూరి తో

ప్రజారాజ్యం MEGA AERIAL VIEWS

2008-09-02T22:42:00.000+05:30

CLICK TO VIEW FULL SIZE

నిన్నే చేరుకోలేక ... విసుక్కుంది నా కేక

2008-07-14T04:09:00.001+05:30

[Listen while U read the Song :: If FireFox can't Play, Use Internet Explorer]

ఎదుట నిలిచింది చూడు
జలతారు వెన్నెలేమో!
ఎదను తడిపింది నేడు
చినుకంటి చిన్నదేమో!
మైమరచిపోయా మాయలో ...
ప్రాణమంతా మీటుతుంటే
వాన వీణలా ...

నిన్నే చేరుకోలేక ...
ఎటెల్లిందో నా లేఖ,
వినే వారు లేక ...
విసుక్కుంది నా కేక ,
నీదో ... కాదో

రాసున్న చిరునామా
వుందో ... లేదో
ఆ చోట నా ప్రేమ ,
వరంలాంటి శాపమేదో ...
సొంతమైదిలా ...

నిజంలాంటి యీ స్వప్నం ...
యెలా పట్టి ఆపాలి ?
కలే అయితే ఆ నిజం ...
ఎలా తట్టుకోవాలి ?
అవునో... కాదో
అడగకంది నా మౌనం ,
చెలివో... శిలవో
తెలియకుంది నీ రూపం ,
చెలిమి బంధం అల్లుకుందే ,
జన్మ ఖైదిలా ...

IlayaRaja Songs Ring Tones and Others

2008-07-13T09:44:00.000+05:30

Ring Tones for Your Mobile

ఇళయరాజా
ఘర్షణ
రాక్షసుడు
గీతాంజలి
లంకేశ్వరుడు
సూర్య
ఆదిత్య 369
దళపతి
కొందవీటిదొంగ

Click here to Download

NTR's Dialogues from

దాన వీర శూర కర్ణ

Click here to Download

Others

బొంబాయి
బాయ్స్
దొంగ దొంగ
పడమటి సంధ్యారాగం
శ్రీరాం

Click here to Download

The following is the link to a Simplest Software for Creating Mobile Ring Tones

MP3 Cutter Joiner

(See that the part of the Song that is being cut with
this Software be of less than or equal to 1 minute.)

Keep Visiting for More...

పోస్ట్ చెయ్యని ఉత్తరం

2008-07-04T13:36:00.000+05:30

యిప్పుడు రాత్రి పది ఇరవయ్యి. శివ నేను యింకో కొలీగ్ మాత్రమే గదిలో మిగిలాం. దాదాపుగా మిగతా గదులన్నీ ఖాళీగానే కనబడుతున్నాయి. ఏదో తెలుగు మ్యాగజైన్ లో ప్రశ్నలకు సమాధానాల్ని గట్టిగా చదువుతో శివ నిశ్చబ్దాన్ని బద్దలు చేస్తున్నాడు. రాత్రి ఇంకా చిక్కనవుతోంది. నీకు రాయాలని చాలా రోజుల్నించీ అనుకుంటున్నాను. జీవితంలో అనుకోకుండా భరించలేనంత తీరిక దొరికేసరికి యేం చేయాలో పాలుపోలేకుండా వుంది. నాకు షిప్టు డ్యూటీలు మారాయి. రేపట్నించి రాత్రి షిఫ్టులు. గదిలో యిప్పుడు నేనొక్కణ్ణే మిగిలాను. చీకటిలా నిశ్చబ్దం దట్టంగా పరుచుకుంది. నిద్ర రావటం లేదు. ఉదయం నుంచి మళ్ళీ తప్పించుకోలేని గొప్ప విసుగుకొల్పే దినచర్యే .

ఈ రోజు భద్రాచలం వెళదామనుకున్నాను. రెండు కారణాలు. 1. మార్పు కోసం 2. సంతోష్ (మిత్రుడు) కోసం ప్రార్థించటానికి. దేవుడి అస్తిత్వాన్ని నేను తిరస్కరించినా, ఒకవేళ అదే నిజమైతే నా మిత్రుడికి మేలు జరుగుతుందనే వొక ఆశ.కాని ఆపుకోలేని నా పాడు మద్యాహ్నపు నిద్ర వల్ల సాయంత్రం వరకూ అలానే పడుకుండిపోయాను. ప్చ్ ఈ బద్దకాన్ని యెపుడు వొదిలించుకుంటానో?

యే ఆసక్తీ నింపుకోని రోజులు ఒకదానివెంబడి ఒకటి దొర్లుకుంటోపోతున్నాయి. కలలు మాత్రం రోజూ కంటున్నాను. వీటికి విడిది యెపుడో? నీకిపుడు రాయటానికి నాకస్సలు శారీరకంగా సౌకర్యంగా లేదు.ఎపుడు ఆరిపోతుందో తెలియని కరెంటు బల్బు, సందిగ్దావస్థలో తిరుగుతోన్న సీలింగ్ ఫానూ, తీరని దాహం లాంటిదేదో, సిగరెట్సు కూడా వెలితిగా , కొత్తగా తెలుగు నవల్సు చదవటం ప్రారంభించాను యిక కవిత్వాన్నీ, ప్రియురాలి మనసుని చదవటం ఆపేసి.

యింకేం రాయమంటావ్ చెప్పు. మొదట్లోనే ప్రేమ అంత అందంగా కనిపిస్తుందా తరువాత్తరువాత అంత బాధను పంచుతోంది. నీ ప్రేమను హృదయంతో పంచావు. హృదయంతో కాకుండా ప్రేమను పంచితే యింత బాధ వుండేది కాదేమో? పన్నెండు కొట్టింది వాచీ. యింక పడుకోవాలి. మన యిష్టయిష్టాల్తో పని లేకుండా కొన్ని అలా జరిగిపోవాలి. యింకో రాత్రి యింకో ఉత్తరం. యీ మధ్య రాత్రులతోనే మొదలవుతున్నాయి నా ఉదయాలు.
కొందరి స్నేహితుల ఉనికి గొప్ప ఉత్తేజాన్నిస్తుంది. అది నిజం. ప్రియురాలి కంటే కూడా . చెతి వేళ్లు నొప్పెడుతున్నాయి. యింక ఆపేస్తాను.

[యేవో కొన్ని దుమ్ము పట్టిన పుస్తకాల్ని దులుపుతోంటే పోస్టు చెయ్యని ఉత్తరాలు కనబడ్డాయి. అప్పుడెప్పుడో పదేళ్లకిందట Thermal Power Station లో ఉద్యోగం వొచ్చి కొన్ని నెలలు హాస్టల్లో వున్నపుడు స్నేహితుడికి రాసుకుని బద్దకం వల్లో యింక దేనివల్లో పోస్టు చెయ్యకుండా వున్న ఉత్తరాలు.
అక్షరాలూ కాయితాలూ మసక బారిపోయి జ్ఙాపకాల్లాగా... ]

అమృతం కురిసిన రాత్రి! ఈ-వారం ఇ-Book

2008-05-07T16:37:00.000+05:30

'చేతిలో కలం అలాగే నిలిచిపోయింది.యేదో రహస్యం నన్నావరించుకుంది. అపుడే నీ నవ్వు నా గుండెకింద వినపడింది.' 'అమృతం కురిసిన రాత్రి అందరూ నిద్రపోతున్నారు.నువ్వు లేవు నీ పాట వుంది.'
'ఆకాశం వొంపులోన ఆర్దృ వెనుక నీ నవ్వు '
'రోజూ ఆవకాయ తిన్నట్లు రొటీన్ అలవాటైన బల్లపరుపు జీవితం కింద'
'కాషన్ గా దాచిన కోర్కెల సీక్ర్ట్ బాక్స్ లోంచి తీసి ...'
'రోతపోని చాతకాని ప్రభుత్వాలు ఉద్రేకాలు కులాసాని చెడగొట్టేందుకు అలాస్కాదాకా అవకాశం వుంది .'
'ఆ రోజుల్ని తలచుకున్నప్పుడల్లా ఆనందంలాంటి విచారం కలుగుతుంది.'
'నేటి హేమంత శిధిల పత్రాల మధ్య నిలచి నాటి వాసంత సమీర ప్రసారాల తలచి
ఇంతేగదా జీవితం అన్న చింత ఇంతలోనే ముగుసిందన్న వంత...'
'చిన్నమ్మా వీళ్ళందరూ సగం సగం మనుష్యులు మరో సగం మరుగున పడిన భయస్తులు బాధాగ్రస్తులు
భారతం భాగవతం చదువుతారు పాపం పుణ్యం కేటాయుస్తారు డైలీ పేపరు తిరగేస్తారు జాలీగా వునట్లు నటిస్తారు.'
'యే నిశ్శబ్ద ప్రపంచాల మధ్య ఏమిటి నీ కళ్ళు మాట్లడుతున్నాయి.
ఉత్తర ధృవంలో మంచు వంటి తెల్లని హృదయం గలదానా ఆడదానా ... '
'ఇక్కడ నేను క్షేమం-అక్కడ నువ్వు కూడా ముసలి అమ్మా,
పాత మంచం కోడూ మన చిన్నబ్బాయి, చెరువులో కొంగా...'
'ఆమె చేతిని అతడు చేతిలో పెట్టుకున్నపుడు, కాలం అంతా యిమిడి, అరటి చెట్టు మొవ్వులో ఒదిగి,
ఫక్కున నవ్విందిటగా! '

'దహాస్ ! నీ గుండె ధ్వనిస్తుందా?'
--------------------------

Download Here
అమృతం కురిసిన రాత్రి

వెలుగు అతడి ప్రకటన.

2008-03-12T16:14:00.002+05:30

ఎక్కడికెళ్తున్నావన్న ప్రశ్నతోనే మొదలయింది!

ప్రియురాళ్ల కోసం కన్నీరయిన పాటల్ని ఎఱుపెక్కుతోన్న ప్రపంచోత్సవం కోసం వేడెక్కించాడు.

'నువ్వూ' 'నేననే' మహా రూపోత్సవపు దారుల్ని బద్దలు కొట్టి నేనుకి బహుంవచనాల్ని నేర్పి సెగలు పుడుతోన్న మహా సంగ్రామాల జ్వాలాముఖులవేపు కదం తొక్కించాడు.

ఆహ్లాదాన్ని పంచే కోయిలల గొంతుల్లో జీవితపు రణగొణధ్వనుల్ని వినిపించాడు.

ఇరు సంధ్యల వాకిట వాలిన ప్రియురాలి నల్లని మబ్బుల వాల్జడలో అరుణాశ్రువుల మంటల్ని సృష్టించాడు.

ఎక్కడికెళ్తున్నావన్న ప్రశ్నతోనేమొదలయింది. ఎన్నెన్ని కటువైన నిజాలని తోడాలన్న ప్రశ్నతోనే ప్రస్థానం మొదలయింది. నలుదిక్కుల కూడలిలో నుంచోబెట్టి మసకబారుతోన్న కళ్లలోకి అజ్ఙాతవాసాల వెలుగుల్ని చిమ్ముతున్నాడు.

మోహావేశాలన్నీ సొమ్మసిల్లేవేళ కడగండ్లకు కారణాలు వెతుకుతున్నాడు.

అతడి ఆయుధం ప్రశ్న.

సౌకుమార్యమైన అక్షరాలను దిగంబరం చేస్తున్నాడు.

వెలుగు అతడి ప్రకటన.

రవివర్మకే అందిన అందాలు - His Magnificient Paintings - Download Here

2008-01-26T13:16:00.000+05:30

పరిచయం అఖ్ఖర్లేని పేరు రవివర్మ. మనం నిత్యం పూజించే ప్రతీ దేవుని పటం అతని కుంచెలోంచి జాలువారిందే. తన అసమాన ప్రతిభతో హైందవానికి దృశ్య రూపాన్నిచ్చిన మహానుభావుడాయన. హిందూమతం, హిందూ దేవతలున్నంతవరకూ రవివర్మ కూడా వుంటాడు.

అతని గురించి సంక్షిప్తంగా తెలుసుకోడానికి ...

Download for Complet Profile of Ravivarma

అతని అజరామరమైన పేయింటింగ్స్ కోసం ...

Download here for His Paintings

Report Bad Link to dearsridhar@gmail.com

వొక బతికిన క్షణం

2008-01-20T07:53:00.000+05:30

వూడిన
గుండీని -దగ్గిరగా చేరి
వూపిరితో తాకుతూ -తిరిగి పెట్టినట్టు

ఆమె

అప్పుడప్పుడూ నేలేనప్పుడు గది గొళ్ళెం మధ్యగా వో చిన్న కాగితం వుంచి వెళ్ళేది.
యీదిరి గాలికి రహదారిపై దారినీ గాలినీ తాకుతూ కొట్టుకువెళ్ళే ఎవరో చింపిపడవేసిన
దుమ్ముకాగితపు వుండలా నేను గదికి చేరుకున్నప్పుడు,
గొళ్ళెం మధ్యగా దాచిన ఆమె దేహం సువాసన కొమ్మల్లో యిరుక్కునేవాణ్ణి.

జాబిలిలోంచి వో తునక తెంపుకు వచ్చినట్టున్న కాగితం పై
కొన్ని మేఘం గండు చీమల్లాటి అక్షరాలు:
'నీ కోసం వచ్చాను. ఎక్కడకు వెళ్ళావు చెప్పకుండా?'
యిన్ని మరిన్ని.

సంవత్సరాల తర్వాత నేను నా గదికి వచ్చి,
అలసటపరుస్తున్న మట్టి కమ్ముకున్న వీధిదిమ్మర కళ్ళతో
ఏ కాగితమూ లేని గొళ్ళెంవైపు చూస్తాను.
బహుశా, ఋతువు మారింది, పగటి మంచు భూకంపపు రోజు రాత్రి లోయగా చీలినట్టు.
బహుశా కోల్పోయినతనం తలుచుకునే అక్షరాలగానూ మారింది.

యీ గొళ్ళెంగూటిలో వొకప్పుడు పొదిగిన అక్షరాలు యిప్పుడెక్కడున్నాయి?

ఈ వారం ఇ-పుస్తకం -'వాల్మీకి రామాయణం'- Sanskrit & English

2008-01-18T22:31:00.000+05:30

Internet కి easy accessibility వచ్చిన ఈ రోజుల్లో మనం ఎన్నో కొన్ని ఇ-పుస్తకాలు సేకరించి పెట్టుకుంటాం. మన తెలుగు బ్లాగుల్లో ఒక common platform యేదీ కనబడలేదు కాబట్టి ఇక్కడ నేను కొన్ని ఇ-పుస్తకాలు వారం వారం పెట్టాలనుకుంటున్నాను. రీడర్స్ యెవరైనా contribute చేయాలనుకుంటే యేదో ఒక storage site లో (నేనైతే sharelor.com వాడతాను ) ఇ-పుస్తకాలు పెట్టి నాకు లింక్ పంపిస్తే ఇక్కడ publish చేస్తాను.

ఈ వారం ఇ-పుస్తకం - ' 77 సర్గలతో వున్న వాల్మీకి రామాయణం లోని బాలకాండ ' .
http://www.sharelor.com/v/2722405/valmiki_ramayana.pdf.html

సంస్కృతంతో బాటు యథాతథంగా ఇంగ్లీషు చేయబడిన సర్గలు కూడా వెనువెంబడే ఇవ్వబడ్డాయి. నా వ్యక్తిగత అనుభవంలో ఎన్నో రామాయణాల్ని చూసాను. అవి అనువాదాలో , అనుసరణలో , వ్యాఖ్యానాలో , దాంట్లో ఏది నిజమో ఏది వొదిలేసారో తెలిసేది కాదు. ఎప్పటికైనా సంస్కృతం , దాంతో బాటు ఇంగ్లీషు అబువాదం వున్న పుస్తకం సంపాదించకపోనా అనుకున్నాను.

మనకు తెలిసిన ప్రజారంజకమైన రామాయణంలో కంటే దీన్లో ఎన్నో ఆసక్తికర విషయాలున్నాయి.
ఇ-పుస్తకాలు పెట్టాలన్న నా ఆలోచన గురించి మీ అభిప్రాయం చెప్పండి.

తెలుగు భారతీయుడు-'ఒక్క మగాడు' (సారీ! ఇది హార్ట్ పేషెంట్లకు నిషిద్దం)

2008-01-13T09:46:00.000+05:30

(ఇది ఎవరినీ నొప్పించే ఉద్దేశంతో రాసింది కాదు)

వీకెండ్ కదాని వీలుచూసుకుని అలాగే మర్చిపోకుండా ధైర్యాన్ని తోడు తీసుకుని 'ఒక్క మగాడు!' కు వెళ్లాను.
హాల్లో పవర్ పోగానే పవర్ ఫుల్లు డైలాగుల్తో ఎప్పటిలానే బాలయ్య ఎంట్రీ ఇచ్చాడు. ఒక ఫైటూ, సాంగూ వేసుకున్నాడు. నిషాకొఠారీతో సరసాలూ, గుండె దడదడలాడే డైలాగుల్తో మాంచి రసంలో సాసాగుతోంది మూవీ.

ఇంతలో ఉలిక్కిపడ్డాను.

నేను వచ్చింది కమల్ భారతీయుడి (క.భా) సినిమాకా లేక బాలయ్య భారతీయుడి (బా.భా) సినిమాకా?
మీ అనుమానం నిజమే. క.భా డి డిటో మేకప్ తో బా.భా . సిపాయి కోటు,తోలు బెల్టు, అదే క్రాఫు . చీకట్లో స్మశానానికొచ్చాడు. క.భా చిన్న బాకు లాంటి కత్తి తీస్తే బా.భా సమాధి చేసుకున్న పెట్టెలోంచి పొడవాటి షాంగై ఖడ్గాన్ని తవ్వి చేతిలోకి తీసుకుంటాడు. దానిమీద వంకరటికరగా చెక్కివున్న యేవో చైనా అక్షరాలని అయోమయంగా చూసి ఎదురుపడ్డ ప్రత్యర్థుల్ని నాలుగే సెకెండ్లలోనే మట్టి కరిపించి చీకట్లో మాయమైపోతాడు. ఇదీ బా.భా ఇంట్రడక్షన్ . ముందు ముందు ఇంకా యేం చూడాల్సి వస్తుందేమోనని భయమేసి అటూఇటూ చూసుకున్నాను. నాలాగానే , అక్కడక్కడ కూర్చున్న ఇంకొందరు మొఖాలు చూసుకుంటున్నారు. నేను గబుక్కున లేచి డోర్ దగ్గిరకెళ్లి లాగాను. అది బయటినుంచి బోల్టు వేసుంది. హాల్లో ఇంకోవైపున్న డోర్ దగ్గిర ఎవరో తలుపుని గట్టిగా లాగుతున్నాడు. కాల్స్ చేసుకోటానికి సెల్ రెడీగానే వుందని కన్ ఫర్మ్ చేసుకుని కుర్చీలో కూలబడ్డాను.

ఇక అప్పుడు మొదలైంది అసలు సందడి. జూనియర్ బాలయ్యతో బా.భా
'మంటల్లో మనుషులు కాలిపోతుంటే వాళ్లని కాపాడటానికి నువ్వు ప్రయత్నిస్తావు. నేను మంటల్నే మింగేస్తానురా.' , '...మంచివాళ్లకి మంచివాణ్ణి మోసగాళ్లకి వైరస్ ని ' అని మధ్యమధ్యలో బా.భా జడిపిస్తున్నాడు. ముసలి సుకన్య (సారీ! ఇక్కడ సిమ్రాన్ ఆ సీటు భర్తీ చేసింది) బా.భా గురించి ఉపన్యాసం మొదలెడుతో 'మీకు గాంధీ తెలుసు, చాచా నెహౄ తెలుసు, సుభాష్ చంద్రబోసు తెలుసు, కాని వీళ్లందరికీ 'ఒక్క మగాడు ' తెలుసు’ అని గట్టిగా రంకె వేయగానే దిగ్గున కుర్చీలోంచి పడబోయి తమాయించుకుని కాదు తల పట్టుకున్నాను వెర్రి చూపులు చూస్తో బ్రహ్మానందం స్టైల్లో 'బాబోయ్! ఇదెక్కడి గోలరా నాయనా!'’ . సెకెండ్ హాఫ్ మొత్తం బాలయ్య సెకెండ్ ఇన్నింగ్స్ తో బ్రిటిషోల్తో సహా మనల్ని కూడా , హెడెన్ ఆడుకున్నట్టుగా వీరబాదుతాడు. మనం కోలుకునేసరికి బాలయ్య తిరిగి హ.హ.హ.హ. (హకి హకి మధ్యలో అరసెకండు గ్యాప్ తో) భయంకరంగా నవ్వుతో బా.భా లో ప్రవేశిస్తాడు.

అయితే క.భా కి బ.భా కి కొన్ని పోలికలు కనిపిస్తాయి, కాకపోతే బ.భా చాలా పవర్ఫుల్.
1. క.భా కి చిన్న కత్తి, బ.భా కి పొడవాటి షాంగై ఖడ్గం .
2. క.భా కి అదేదో చేతి వేళ్లతో పొడిచే విద్య వచ్చు. బ.భా కి చాలా వచ్చు, వేళ్లతో పొడిచేది, కత్తిసాము,షాంగై వీరుల్లాగా గాల్లోకి ఎగరడమూ, వాయుబంధనం వగైరా వగైరా
3. క.భా కి క్రాఫు చెదిరితే సర్దుకుంటాడు, బ.భా కి అసలు క్రాఫు చెదరదు, ఇంకెక్కడ సర్దుకుంటాడు .
4.క.భా వొళ్లంతా వృధ్ధ్యాపం, బ.భా కి ముఖంలో మాత్రమే .
5. సుకన్య-సిమ్రాన్ సేం టు షేం డిటో.
6. బ.భా కి ఇంకో ఎగస్ట్రా విద్య కూడా వచ్చు, కంటి చూపుతో బుల్లెట్ వేగాన్ని చూసి తప్పుకోడం.
7.క.భా టెర్రరిస్టు, బా.భా టెర్రరిస్టు .
8. సుభాష్ తో క.భా కనిపిస్తాడు, బ.భా గురించి మన జాతీయ నాయకులంతా మాట్లాడతారు.
8. చివర్లో ఫ్లైట్ క్లాష్ లో క.భా అదృశ్యం, తిరిగి ఎక్కడో సింగపూర్లో ప్రత్యక్షం. బా.భా కి కూడా ఫ్లైట్ క్లాష్ , మళ్లీ అరకులోయ కొండల్లో ప్రత్యక్షం.

అపరిచితుడి లోని మార్షల్ ఫైట్ ని మాత్రం ఎందుకు వొదలాలని ఇక్కడ క్లైమాక్స్ లో 50 మంది చైనా షాంగై వీరుల్తో బా.భా మార్షల్ ఫైట్ విన్యాసాలు (పాపమా 50 మంది వీరులు బా.భా 10 సెకెండ్ల పాటు అరిచే వొకే కేకకి బెదిరిపోయి గాల్లో గింగుర్లు కొడతారు (నేను కూడా నా సీట్లో గింగుర్లు కొడుతున్నాను ఎప్పుడు డోర్ తీస్తారా అని).

'దంపుడు బియ్యం తిన్న బాడీరా ఇది!
వయసు 1 !
పేరు 'ఒక్క మగాడు'!'

ఇక తయారుగా వుండండి,
ఈ తెలుగు షాంఘై వీరుణ్ణి(సారీ! బాలయ్య భారతీయుడు) చూడటానికి .

అన్నట్టు చెప్పడం మరిచారు.
ఈ బా.భా స్టిల్సు పోస్టర్లపైన ఎక్కడా లేవు. బహుశా జనాలు దడుసుకుంటారేమోనని వేయలేదేమో!

ITR2 and 1 - Easiest way to fill - Excel File to download

2007-12-26T23:15:00.000+05:30

పోయినేడాది ITR2 (Income Tax Return) ఫారం పూర్తి చేసేటప్పుడు పడిన కష్టాలు ఎలా వుంటాయో అవి పూర్తి చేసిన వాళ్లనడిగితే వారి తిప్పలన్నీ ఏకరువు పెడతారు. ITR2 ఫారమే అసలు గ్రీక్ అండ్ లాటిన్ లాగా ఏమీ అర్థం కాకుండా దేనికీ పొంతన లేకుండా తికమకగా (తిక్కతిక్కగా) వుంటుంది. అందుకనే ఆ తలనెప్పుల్ని భరించలేకే వందో రెండువందలో బ్రోకరుకి సమర్పించుకుని చేతులు దులిపేసుకున్నవారు చాలా మంది వున్నారు.

గూగిల్ సెర్చిలో ITR2 filling అని Instructions అని , యింకా యెలా గూగిల్లినా పుట్టగొడుగుల్లా మనముందు కనబడే వేల సైట్లలో ఏదీ మనకుపయోగపడేట్టు కనబడవు. ఒకరోజు అనుకోకుండా ఇంగ్లీషు బ్లాగరు పుణ్యమాని యీ ఎక్సెల్ ఫైల్ కనబడి తెరచి చూస్తే ITR నింపటం యింత సులువా అని ఆశ్చర్యపోవాల్సి వచ్చింది. నా Tentative ITని యీ ITR2 లో పెట్టటానికి నాలుగు నిమిషాలకంటే ఎక్కువ పట్టలేదు. యీ ఎక్సెల్ ఫైల్ ఒక ప్రోగ్రాం లా రన్ అవుతుంది. మన దగ్గిరున్న Form-16 లో కొద్ది డేటా దాంట్లో డేటా షీట్ లో ఎంటర్ చేస్తే సెకెండ్లలో మన ITR(సుమారు పది పేజీల) మీ ముందు రెడీ ప్రింటబుల్ వర్షన్ లో.

ITR2 ని ఇక్కడ డౌన్ లోడ్ చేసుకోండి.
http://www.sharelor.com/v/7282373/itr2.xls.html

ITR1 ని ఇక్కడ.
http://www.sharelor.com/v/4007812/itr1.xls.html

Report Bad Link to: dearsridhar@gmail.com

ఈ సందేహాలెవరన్నా తీర్చగలరా?

2007-12-20T21:19:00.000+05:30

మన సారస్వత/సాంస్కృతిక సంపద యెంత గొప్పదో ప్రపంచ ప్రాచీన జాతులన్నిటికీ బాగా తెలుసు! భాగవతం,రామాయణం,భారతం,పురాణాలు,ఇతిహాసాలూ...

యీ పై రెండు వాక్యాలు రాయటానికి కొద్దిగా కష్టపడాల్సి వచ్చిందనే చెప్పాలి, యేవి పురాణాలో, యేవి ఇతిహాసాలో కొద్దిగా కన్ ఫ్యూషన్. నా విన్నపం ఏంటంటే ఈ క్రింద అడిగిన వాటికి క్లుప్తంగా నా సందేహాలు ఎవరైనా తీర్చగలరా?

1. స్థూలంగా మన సారస్వతాన్ని ఎలా విభజిస్తాం.

2. పురాణాలు, ఇతిహాసాలు యిలా ఎన్ని రకాలుగా వర్గీకరించవచ్చు, ఏవేవి దేంట్లో ఎన్ని వుంటాయి.

3. అసలు పురాణానికి, ఇతిహాసానికి ఎత్చ్. స్పష్టమైన భేదాలు, అర్థాలు వున్నాయా?

4. సారస్వతంలో జానపదాలు భాగమా ?

రామాయణంలో అసలు కథ(?)

2007-12-10T23:09:00.000+05:30

రామాయణంలో పిడకలవేట నాకిష్టం లేదు.ఇది రామాయణానికి రాయబోయే వ్యాఖ్యానాల్లాంటి మహత్తర కార్యం అసలే కాదు. కాని చాలాసార్లు నాలో కొన్ని ప్రశ్నలు ఉదయించాయి.

1. రామాయణం వొక్కటే అయితే(వాల్మీకి), మన దేశంలో (లేక ప్రపంచం మొత్తం మీద అందామా?) యిన్ని రామాయణాలు ఎందుకు ప్రాచుర్యంలోకొచ్చాయి?

2. సరే వొచ్చాయి, వాల్మీకి రామాయణానికీ(మూలం ఇదే అనుకుంటే) , తర్వాత కోకొల్లలుగా వొచ్చిన రామాయణాలకి చాలా వాటిల్లో పోలికలెందుకు కనిపించలేదు?ఎవరు మార్చారు?ఎందుకు మార్చారు?

3. హైందవ సంస్కృతి చాలా బలీయమైంది. కనుకనే వేల సంవత్సరాలుగా మన జీవితాలు దీనితో పెనవేసుకుపోయాయి. దీని కూకటి వేళ్లు అంత శక్తివంతమైనవి. అది హైందవ సంస్కృతి గొప్పదనమా లేక మన మనస్సుల్లో మనం కట్టుకున్న గొప్ప నమ్మకమా?

4.వాల్మీకి రాసిన చాలా విషయాల్ని మన వాళ్లెందుకు దాచి పెట్టారు. అన్నిటినీ కూలంకషంగా ఎందుకు చర్చించలేదు?హైందవ సంస్కృతి పరిరక్షణకా లేక సంఘ నీతిని కాపాడటానికా?

'రామాయణంలో అభ్యంతరాలుగా వున్న అన్ని విషయాల్ని ప్రస్తావించనఖ్కరలేదు , కానీ మన నమ్మకాల్ని సడలింపజేయనివీ అయితే చర్చిద్దాం ' అని అంటారా?

ఈ పేజీలో(ఎడమ వైపు) పోల్ చేసి మీ అభిప్రాయాన్ని చెప్పండి.

ఒక రష్యన్ కవిత స్వేఛ్ఛానువాదం - Mikhail Lukonin

2007-12-10T23:06:00.000+05:30

యీ ఆసుపత్రి అంతా తెల్లగా...దారుణమైన తెల్లదనం...

రగ్గుల్లో ఒదిగొదిగి మేం-హుషారైన పరాచికాల మధ్య -

ఉదాసీనత నింపుకున్న మా కళ్లలోకి గోడ మీది చిత్ర పటాలు తదేకంగా చూస్తున్నాయి.

'యివాళ యే వారం?' పక్క మంచం మీది వ్యక్తి.

'శనివారం, యేం?' ,

'ఓహో! అలాగయితే వారం అయిందన్నమాట

నేను గుడ్డివాడిగా మారి !... సరే అయితే విను. ఆమె గురించి చెబుతాను...'

యింతలో మాకు భోజనాలు తెచ్చి తినిపించి వెళ్లారు.

నేను దిండుని వొళ్లోకి లాక్కుని సర్దుకుని కూర్చున్నాను .

అతను, వారం క్రితం పోయిన తన చూపు గురించి,

ఆమె గురించి ధారాళంగా మాట్లాడుతూనే వున్నాడు.

నేను మధ్యలో కల్పించుకుని 'చూడండి.

యీ నర్సు మీ ఉత్తరం భేషుగ్గా రాయగలదు, మరేం! ' అన్నాను.

'అట్లాకాదు. నన్ను అర్థం చేసుకో మిత్రమా. చిన్న సమస్య ! ' ,

'సమస్యా?! . మీరదేం పట్టించుకోకండి.యింతకంటే యేదీ బావుండదు ' ,

'వొక్క మీరే ' ,

'నేనా?' ,

‘యేం! మీకు భేషుగ్గా కళ్లున్నాయి కదా!' ,

'కాని , అయ్యో !?',

'మీరింక అభ్యంతరం పెట్టకండి' ,

'పదాలు సరిగ్గా కుదరవు నాకు ' ,

'నేను చెపుతాను ' ,

'ఓరి దేవుడా! నేను మునుపెన్నడు ప్రేమించనేలేదు కదా ' ,

'అయితే యిపుడే సమయం...నేను చెపుతా రాయండి.' .

నేను పెన్ను తీసుకున్నాను. అతను చెప్పడం మొదలుపెట్టాడు.

'నా ప్రియమైన ' , నేను రాశాను.

'నేనింక చచ్చిపోయాననుకో',

'నేను జీవించే వున్నాను ' రాశాన్నేను గట్టిగా చదివి.

'నాకోసం యింకేమాత్రం ఎదుర్చూడకు' ,

‘నా ప్రాణమా! నాకోసం వేయికళ్లతో ఎదురుచూడు ' ,

'నేనింక తిరిగి రాలేను ' ,

'నేస్తం! నేను అతి త్వరలోనే మన వూరు వస్తున్నాను ' .

ఆమె ఉత్తరాలన్నిటికి జవాబులు రాశాను .

అతను యేదో పాటందుకుని గట్టిగా యేడ్చాడు ఉత్తరాన్ని తన గాజు కళ్లకద్దుకుని..

యింక ఆ తరువాత యీ వార్డు మొత్తం ఒకటే గోల

'మాకూ వ్రాయండి '

వొక విచారకరమైన తిరస్కారం.

'మీ చేతుల్తో మీరే రాసుకోవచ్చు కదా ' ,

'అరెరె , మీరందరూ భేషుగ్గా చూడనూగలరు, యెందుకు చేసుకోలేరీ పని '

యీ ఆసుపత్రి అంతా తెల్లగా...దారుణమైన తెల్లదనం

'మిత్రులారా! మీరిప్పుడెక్కడున్నారు?',

'నీ కబురే లేదు ' ,

'ఆమె వెళ్లిపోయిందా ' ,

‘ నేనింక చచ్చిపోయానని జమీల్యాకు రాయి ' ,

‘ఉషోదయం విచ్చుకుంటోనపుడు నా కోసం ఎదురుచూడు ',

'నా చిన్నారి నాస్తెంకా అడుగులేస్తోందా ' ,

'నా ముసలి తల్లి కోలుకుంటోందా?',

'లీజా పెళ్లి తరువాత కుశలమేనన్న సంగతి కనుక్కో...',

'మీ కబురే లేదు ' ,

యింక నేను.....

నాకు తెలుసు నా మౌనం తప్పని.

‘మాకూ రాయండి’ . వాళ్లు చెబుతున్నారు.

రాయవలసింది నా మస్తిష్కంలో సందిగ్దంతో అటూ ఇటూ వూగులాడుతోంది.

'మాకూ రాయండి!' ,

'నా వల్ల కాదు ' ,

'మీరు నిక్షేపంగా రాయగలరు ',

‘నాకు ప్రేమించటం చాతనవదు.' నేను గట్టిగా అరిచాను.

'మేం చెబుతాం...జీవితాన్ని ప్రేమించు. యింక అంతకంటే నీక్కావలసింది యేం లేదు ' .

ఠాగూరు గారి ఒక గీతానికి స్వేఛ్చానువాదం!

2007-12-10T23:05:00.000+05:30

దుమ్ము కొట్టుకుపోయిన బట్టలతో
గోడ వారగా నేలపై
నిద్రతో వొరిగి వున్నాడో యువ యోగి.
ఆరిపోయిన దీపాలు ,
మూసేసిన నగరపు గేట్లు,
నక్షత్రాలన్నీ నల్లని మేఘాలతో
కప్పిన ఆ రాత్రిలో...

హఠాత్తుగా అతని హృదయం వొణికింది.
అడుగులు ఘల్లుమంటో దగ్గిరవతోన్న చప్పుడు.
కలవరంగా కళ్లు తెరిచాడతడు.
ఆమె పట్టుకున్న దీపపు కాంతిలో అతని దయాపూరితమైన కళ్లు మెరిశాయి.
ఆ యువతి నాట్యకత్తె. ఆమె కళ్లు యవ్వనోత్సాహం నింపుకున్నాయి.
దీపపు కాంతిని చిన్నగా చేసి అంది.
' మీ క్షమను కోరుతున్నాను.
యిహ లోకపు సుఖాలన్నింటినీ త్యజించిన యువకుడా!
ధూళి నిండిన యీ పానుపు వీడి అందమైన నా మహలుకు రండి'.
'జవ్వనీ నీ దార్లో వెళ్లిపో .
సమయమొచ్చినపుడు నేను రాకుండా వుండను '.

ఆ నగరంపై చంద్రుడు అంతులేని ఆశలను
వెన్నెల్లో గుప్పించి కురిపిస్తున్నాడు.
దారికిరువైపులా చెట్లు తలలూపుతున్నాయి.
యెక్కణ్నించో సన్నని మురళీగానం గాల్లో తేలుతో.
ఆ దేవదారు చెట్ల మీంచి యేవో విషాద పాటలు ప్రవహిస్తున్నాయి.
అందరూ వొదిలేసిన ఆ వొంటరి వీధి వెంబడి
ఆ నగరపు గేట్లను దాటాడు ఆ యువ యోగి.
ఆ నగరపు గోడ నీడలో ఓ స్త్రీ , శరీరంపై మచ్చలతో .
యువకుడు కూచుని ఆమె తలని వొడిలోకి తీసుకున్నాడు.
ఆమె అంది 'దయను కురిపించే మీరు ధన్యులు.
యింతకీ యెవరు మీరు?'

'నీకిచ్చిన మాట ప్రకారం నేను వచ్చాను. '

అభినందన పత్రం!

2007-12-05T10:08:00.000+05:30

యీ రాత్రికి కొన్ని నిర్ణయాలు తీసుకోవాలి.
కానీ నీ దీక్ష అమోఘం ...
అందరూ రాత్రుల్ని కలల్తో పక్షుల్లా
పొడుస్తూ వుంటే నువ్వొక్కదానివి నీ
దీక్షతో వెలిగిస్తూ వుండిపోయేదానివి.
అందరూ మెత్తని వెన్నెలని కప్పుకుంటే
నువ్వు మాత్రం నా జ్ఙాపకాన్ని
వెచ్చగా కౌగిలించుకున్నావు .
నీకూ కలలకూ ఎడతెగని యుద్దం...
కాంక్షాభరిత భవిష్యత్ దృక్కోణాల్ని
నేను ఆవిష్కరించినపుడు నీలో ఎంత ఆరాటం.
ఆ అలసటలోనే మన ప్రపంచాల కోసం యెంత తపించావో కదా !
అనారోగ్యం నిన్ను తినేస్తున్నా
అలిసిపోయిన నీ చిర్నవ్వుల్లో నా కోసం యెంత హామీ !
నాకు తెలుసు...
యీ యుద్దం అసామాన్యమైందినూ, అనివార్యమైందీనూ .
యిది గెలవటం తప్పనిసరి కూడా!
అభినందనకి సిద్దంగా వుండమని చెప్పి నువ్వు యుద్దానికి వెళ్లావు.

గెలుపు నక్షత్రాలను నువ్వు చల్లుకుంటో దరహాసంతో తిరిగొచ్చేవేళ
వెలుగు రవ్వల హారాల్తో నిన్ను అభినందించడానికి నేను ఎదుర్చూస్తూ వుంటాను.

యిదంతా?!

2007-12-05T10:07:00.000+05:30

ఒళ్లంతా మోహనరాగాలేవో
అల్లుకుంటోన్న అలికిడి
నిశీధి ప్రాంగణంలో సంధ్యారాగాలేవో
కరిగిపోతోన్న కలకలం

-యిది కవిత్వమేనా?

వూబిలా నన్ను లాక్కునేది?
ప్రవాహాలేవో నన్ను చుట్టేస్తో వురకలెత్తుతున్నాయ్
శ్వాస సుగంధమై ప్రాణం పరిమళమవుతోంది
వ్యాకులతా పుష్పాలన్నీ
వొక్కొక్కటీ రాలుతోన్న చప్పుళ్లు
చీకట్లోని అగాధంలా యేదో
అనంతాన్ని సూచిస్తోంది
నిశ్చబ్దం శబ్దమవుతోన్న వేళ

-యిది
ఆనందం
అలౌకికం
విశ్వజనీనం

కవిత్వమేనా యిదంతా?!

కౌమారంలో కవిత్వం-అదొక పైత్యం

2007-12-02T16:48:00.000+05:30

వెన్నెల తాగిన
నీలి రంగు కళ్లు
చంద్రబింబం లాంటి ముఖం
చంద్రముఖి ఆమె పేరు!

*
ఆమె మళ్ళీ కనిపించింది.
నా గుండె మళ్ళీ లయ తప్పింది.
ఆమె స్నేహం లభించడం
నా జీవితంలో నేనెదుర్చూడని
వో గొప్ప వరం.

*
ఆమె చాలా సార్లు
కళ్ళతోనే మాట్లాడేది.
యింకాస్సేపు వుంటుందనుకునేంతలో
లేచి వెళ్ళిపోయింది.

*
ఆమెలో చిలిపితనం పాలు యెక్కువ.
కళ్ళలో, మాటల్లో
అవి యెక్కువగా ప్రతిఫలించేవి.

*
నా సమక్షంలో
ఆమె ముఖంలో
అనాచ్చాదిత మెరుపుల్ని చూసేవాన్ని .

*
నాలో యెన్నో భావాలు చెలరేగేవి.
చాలాసార్లు మౌనమే దొర్లేది.

*
ఆమె అతడిని పరిచయం చేసింది.
వాళ్ళిద్దరూ
గాఢస్నేహితుల్లా మట్లాడుకున్నారు.

*
ఆమె కళ్ళలో
నా కోసం ఆసక్తికోసం వెతికేవాణ్ణి.
ఆ విషయం
ఆమె గమనించినట్టు కనిపించేది కాదు.

*
అతడు చాలా చమత్కారంగా మాట్లాడేవాడు.
ఆమె అతనితోనే యెక్కువగా పరాచికాలాడేది.
నాకు ప్రాముఖ్యత వున్నట్టనిపించేది కాదు.

*
ఆమె కళ్ళు ఎప్పుడూ
ఉత్సాహంతో మెరుస్తుండేవి.
ముఖంలో లీలా మాత్రంగా
అతనిపట్ల సాన్నిహిత్యం
ద్యోతకమయ్యేది.

*
ఆమె నవ్వులో విషాదమో లేక
నా పట్ల అనురాగమో
అర్థం అయ్యేది కాదు.

*
అతను ఉత్సాహంగా కనిపించేవాడు .
నేను దిగాలుగా, బిడియంగా.

*
ఆమె మాటలు
నిగూఢమైన చీకటిలా అనిపించేవి.
నాకోసం యేమైనా
ప్రేమ దాచుకుందేమోనని
నాలో వొక ఆశ
*
ఆమె గొంతులో
యెపుడూ యేదో వొకలాంటి
హుషారు తొణికిసలాడినా
నాలో యేవో విషాద తంత్రుల్ని
మీటేదిగా వుండేది.

*
అతడి రాక పూర్వం
ఆమె నవ్వులో విచారం.
నేనా విషయం కదపలేదు.
అతడి ఆగమనం ఆమెను సంతోషపరిచేది.

*
నాలో ఆమె పట్ల ప్రేమ పెల్లుబికేది.
అది కాంక్షేమోనని
భయపడతాను.

*
నాలో ఆమెపట్ల ప్రేమ
చాలా సంకుచితమనీ
నాలో వొక భయం.

*
నేను వెళ్ళేసరికి
వాళ్ళిద్దరూ నవ్వుతో మాట్లాడుతున్నారు.
అతడి కళ్ళలో అయిష్టం.
ఆమె కళ్ళలో నవ్వు.

*
నేనెన్నో విషయాలు చెప్పాలనుకున్నాను.
ఆమె ముఖంలో
యే భావమూ కనిపించలేదు.
యింతలో అతను వొచ్చాడు.
నేనూ మౌనం వహించాను.

*
నా ప్రేమ విషయం
వాయిదా వేస్తూ వచ్చాను.
హఠాత్తుగా ఆమె చూపులు
దయాపూరితంగా అనిపించేవి.

*
చలికాలపు యెండలంటే
ఆమెకు చాలా ఇష్టం.
అతడి గురించి ఆమె
యెన్నో విషయాలు చెప్పేది.

*
నేను సెలవు తీసుకున్నాను.
అతడు యెందుకో
మరింత ఉల్లాసంగా కనిపించాడు.
ఆమె ముఖంలో నాకే భావమూ స్ఫురించలేదు.

*
అతడిని
గొప్ప స్నేహితుడిగా వర్ణించేది.
హఠాత్తుగా ‘మరి నువ్వూ అనుకో’ '
అంటో నవ్వేది.

*
ఆమె మాటలంటే
నాకు చాలా ఇష్టం
యెక్కువగా అతడి గురించే ప్రస్తావించినా.

*
అతడేదో ఖరీదైన బహుమానం యిచ్చాడామెకు.
నేను మర్చిపోయానని చెప్పాను.
బదులుగా నవ్వి వూరుకుందామె.

*
అతడిపై నాలో ఎలాంటి భావమున్నా కాని
నాపై దయను ప్రసరింపజేసే
చూపులు కరువయ్యాయని నాలో కలవరం.

*
నా ప్రేమ విషయం
నాలోనే మరుగున పడిపోయింది.
అందమైన కళ్ళున్న ఆమెను
బాధ పెట్టడం నాకిష్టం లేకపొయింది.

*
ఆమె వీడుకోలుగా నవ్వింది
వెన్నెల చిలకరించినటు.
నా రెప్ప తడిసింది
ఆకసం ఏడ్చినటు.

చలం జీవితకథ రాసిన పురాణం సుబ్రహ్మణ్యం శర్మ E-book 'ఆంధ్రాలో చలం' - 2

2007-11-30T21:32:00.000+05:30

వెడలుదమా!వెడలుదమా!
తడయక యిప్పుడె వెడలుదమా!
విశ్వవిభుని పావన పద సరోజ
సౌరభముల మోదము గనగా!
వెడలుదమా!!
జాగ్రత!జాగ్రత! మాయజగత్తని
శాస్త్రము లెల్లను విప్పెదవు!
భాగ్యము ప్రేమము పయఃకణములని
బైరాగి ధర్మము చెప్పెదవు
ఇది యంధకూప మిది యస్థికార
బ్రదుకంత గోలపాడందువు
పది దిక్కులంటు మధు మల్లివనము
తుదిలేని వల్ల కాడందువు!
ఎవ్వారు నమ్మగలరోహో విరాగీ!
ఇది యే కాలం!వెంకటాచలం!

Download this E-Book from this link
http://rapidshare.com/files/73351084/andhralochalam.pdf

Report Bad Link to dearsridhar@gmail.com

ఇలా గూగిల్లండి! (Beyond Google Search)

2007-11-28T08:42:00.000+05:30

బాలకృష్ణ తన రాబోయే కొత్త సినిమాలో ఒక భారీ డైలాగ్ వుందట. రొమ్ము విరుచుకుని వొక గావు కేక పెట్టి 'రా రా నా కొడకా! వొక్క గుద్దు గుద్దానంటే గూగిల్ సెర్చిలో కూడా దొరకవురా! ' అని. జోక్ బాగానే పేలింది కాని గూగిల్ సెర్చిలో దొరకనిది ఏదీ లేదేమో. అంత పవర్ ఫుల్ యింజన్ మరది. కానీ గూగిల్లినా కూడా దొరకలేదంటే అది గూట్లో దాగిన బొమ్మే కాని మనం సరిగ్గా గిల్లామా లేదా అన్నది యింకొక్కసారి కన్ ఫర్మ్ చేసుకుంటే మనశ్శాంతి గా వుంటుంది. సాధారణంగా మనం గూగిల్లడానికి సరైన కీవర్డ్స్ మాత్రమే యిస్తాం, కానీ మనం 'సరైన లక్షణాలున్న(criterion) కీవర్డ్స్ ఇస్తామా? వెబ్ పేజీలను మాత్రమే గూగిల్ సెర్చి వెతికిపెడుతుందా?? ఇలాంటివి కొన్ని ఇక్కడ ఇస్తున్నాను. Of Course the people who knew the basic principles of Googling , need not go through this article.

For Particular File Types in Particular Sites

గూగిల్ సెర్చి ఒక నిఘంటువు(Dictionary)

For keywords of Particular File Types

For keywords ONLY in BLOGS at blogseach.google.com

గూగిల్ సెర్చి ఒకపుస్తక భాండాగారి(Mega Store of E-Books) at books.google.com

గూగిల్ సెర్చి ఒక వార్తా పత్రికల భాండాగారి (Store of News Archives) at news.google.com

ఒక తూనికల కొలతల విభాగి (Units and Measurements)

గూగిల్ సెర్చి ఒక మోటారు వాహనాల సమాచార భాండాగారి (Vehicle Identification Number)

For keywords in URLs, Say inurl:sridhar
For keywords in Site Titles, Say intitle:hollywood
For keywords in Body of the Text, Say intext:chiru

For keywords in Particular site

గూగిల్ సెర్చి ఒక గణాంకి (Calculator)

గూగిల్ ఒక్ జికె (General Knowledge)

గూగిల్ సెర్చి ఒక అట్లాస్(Mapping)

గూగిల్ సెర్చి ఒక వస్తు సూచిక (Universal Product Code)

To force combination of two words such as 'Book Paper ' put them in Quotes like "Book Paper ", orelse Google will show results for both Book, and Paper independently.

For keywords in Coding

code.google.com

Last but NOT least

Google's upcoming FEATURES in its LAB http://labs.google.com/

Download this Article in PDF

http://www.sharelor.com/v/9131886/beyond_google_search.pdf.html

ఏక కాలంలో ఇద్దరిని 100% ప్రేమించడం నిజంగా సాధ్యమా?!

2007-11-26T13:32:00.000+05:30

ఈ అభిప్రాయం నా స్నేహితురాలిది.

' మైదానం లో రాజేశ్వరి ఒకేసారి అమీర్ ని మీరా ని సమానంగా (equal) గా ప్రేమిస్తుంది ... ఒకే time లో ఇద్దరిని 100% ప్రేమించడం అనేది నిజంగా సాధ్యమా? దానిని మీరు support చేస్తారా? నేను మాత్రం 100% support చేస్తాను... ప్రేమ అనేది ఎప్పుడు ఎవరి మీదన్నా కలగొచ్చు ఒకేసారి అనేది నేను 100% support చేస్తాను ’ .

నా మటుకు ప్రేమ , గాడానురాగం శాశ్వతం కాదని యెవరనగలరు?
అయితే జీవితంలో ప్రేమ ఒకసారి కలుగుతుందా, అనేక పర్యాయాలు కలుగుతుందా?
ఈ విషయంలో భేదాలున్నాయి . ప్రేమామృత ఝరి హృదయంలో నిరంతరమూ ప్రవహించేవారు ఎక్కువసార్లు ప్రేమించగలరు. ఏక కాలంలో ఇద్దరు వ్యక్తులను మాత్రం సమానంగా ప్రేమించడం అసంభవం. ఒకరిమీద అనురాగం సడలిపోయిన తర్వాత ఇంకొకరిమీదికి ప్రసరించవచ్చు. వొక్కరికన్నా ఎక్కువమందిని ప్రేమించటానికి ఆస్కారముండొచ్చు కానీ ఏక కాలంలో ఒకే స్థాయిలో ప్రేమించలేం. ఒక్కరు మాత్రమే Peak లో వుంటారు. priorities బట్టి మారుతుంటాయి.

ఒకే priority ఇద్దరికీ ఇవ్వలేం .
ఏ ఏ priority, ఎవరు ఉఛ్చస్థాయిలో వున్నారో
పక్కన పెట్టగలిగితే ఏమో , ఇద్దరినీ ఒకేసారి ప్రేమించగలమేమో!

మీ వోటు(పోల్) చెప్పండి( పక్కన పోలింగ్ లో).

చలం జీవితకథ రాసిన పురాణం సుబ్రహ్మణ్యం శర్మ E-book 'తెలుగువెలుగు ' - 1

2007-11-25T20:41:00.001+05:30

' ఈ ఆనందం ఎక్కడ దొరుకుతుంది? చలం అంటాడు: 'నిజమైన ఆధ్యత్మికానుభవమంటే తనని, తన ఆత్మో, ఏదో, తను అనే దాన్ని ఈ విశ్వ చైతన్యంతో ఏకం చెయ్యగలగడం-లోకంలోని ఆనందాన్నంతా తనదిగా అనుభవించడం. అది అందనప్పుడు అట్లా తనని మరచి ఐక్యమయ్యే ఆనందం ఈ ప్రేమలోనూ, కొంతవరకు శ్రంగారంలోనూ గాక ఎక్కడా దొరకదు. మామూలు మనుషులు సాధించగలిగే ఆనందమంతా శృంగారంలో వుంది ప్రేమ అంటారా? ...'
మిగతా ఇక్కడ చదవండి http://chelam.blogspot.com/
----------------------------------------------------
చలం జీవితకథ రాసిన పురాణం సుబ్రహ్మణ్యం శర్మ E-book 'తెలుగువెలుగు '
కోసం Download link ఇక్కడ http://www.sharelor.com/v/2485349/teluguveluguchalamvol1.djvu.html

Download this software to read the above E-Book
http://www.sharelor.com/v/7680024/djvucntl_61_en.exe.html

Report Bad Link to : dearsridhar@gmail.com

ఇళయరాజా లోని తాత్వికుడు

2007-11-23T08:41:00.000+05:30

'నేను ఈ ప్రపంచానికి అతీతుణ్ణి. నా ప్రపంచం సరిగమల నాద లోకం.

అక్కడ మానవులకి పని లేదు. మానవుడి తెలివికో ...లక్ష్యానికో ,

అక్కడ చోటులేదు. దాన్ని నువ్వు ఆస్వాదిస్తే ఎలాంటి అనుభూతి కలగదు.

మనస్సు అలాంటి స్థితిలో రాగాన్ని ఆలాపించినంత కాలం

నాదలోకంతో మమేకం చెందడం కుదరదు' .

ఒక సినీ పాత్రికేయుడికిచ్చిన ఇంటర్వ్యూలో భారతీరాజా గురించి...

'తరచూ ఫోన్ కో మాట్లాడుకుంటాం. ఎప్పుడన్నా సినిమా పూజ కార్యక్రమాల్లో కలుస్తాం. భారతి ఎప్పుడూ పాత విషయాలనే మాట్లాడుతాడు. నాకవి జ్ఙాపకం ఉంటాయి గానీ వాటి గురించి మళ్లీ మళ్లీ మాట్లాడను. ఇటీవల భారతీరాజా ఓ సినిమా పూజకొచ్చి, నేనున్నానని తెలిసి నా రూంకు వచ్చాడు. పాత విషయాలు చాలా మాట్లాడిన తర్వాత 'ఏదేమైతేనేమి.. మనమిద్దరం సినిమాలో కావలసినంత పేరు ప్రఖ్యాతులు సంపాదించుకున్నాం కదా? దాన్ని తలచుకొని గర్వపడాలి ' అన్నాడు. నేను 'ఏ విషయాన్ని అనుకుని మనం తలచుకోవాలో.. అందులో గర్వపడటానికిఏముంది చెప్పు ' అన్నాను. 'ఏమంటున్నావు ' అన్నాడు అర్థం కాక. 'బాగా గుర్తుచేసుకో... పాత ఇళయరాజా, పాత భారతీరాజాలుగా ఉన్నామా మనం? ' అన్నాను.'పాత భారతి నన్ను చూస్తే వెంటనే వచ్చి 'ఏంటయ్యా తిన్నావా? ' అని అడిగేవాడు. 'లేదు అంటే.. అరే.. ఛీ.. పో ఈ విషయాన్ని నాతో ముందే ఎందుకు చెప్పలేదు. సర్లే . రారా భోజనానికెళ్దాం. తర్వాత మాట్లాడుకుందాం. ' అనేవాడు. నేనూ అంతే . అంటే పాత ఇళయరాజా కూడా అలాగే వుండేవాడు. ఇప్పుడు అలాగున్నామా ఏమిటి? మన నిజజీవితాన్ని గురించి మర్చిపోయాం. మానసిక ఉద్వేగాలకు నీళ్లు చల్లుతున్నాం. దీని కోసం సిగ్గుతో బాధపడాల్సిన మనం దీన్ని పోగొట్టిన పేరు ప్రఖ్యాతులను అనుకుని గర్వపడటం ఎంతవరకు న్యాయం... ' అన్నాను. ఒకటి, రెండు, మూడు నిమిషాలు మా మధ్య మౌనంగానే వెళ్లాయి. ఎప్పటిలాగే భారతీరాజా, ఇళయారాజాల్లా ఎవరెవరి పనుల్ని చూసుకోవడానికి వాళ్లు వెళ్లాం.

చలం కలం లోంచి రవీంద్రుని గీతాలు

2007-11-23T08:40:00.001+05:30

నీకు బాధంటే అసలు తెలీనే తెలీదేమోనని...

నాలోని లోతైన మాటల్ని నీతో చెప్పాలని వేదన పడతాను.
నువ్వు నవ్వుతావేమోనని భయం.
అందుకని నన్ను చూసి నేనే నవ్వుకుని
నా రహస్యాన్ని పరిహాసంలో వెదచల్లేస్తాను.
నా బాధని నువ్వు తేలిక చేస్తావేమోనని నేనే తేలిక చేసుకుంటాను.

నీతో చెప్పాలనుకున్న అసలు నిజమైన మాటల్ని
నీకు చెప్పాలని వాంఛిస్తాను.
కాని వాటిని నమ్మవేమోనని వూరుకుంటాను.
అందుకనే నేను అనుకున్న దానికి విరుద్దంగా
మాట్లాడి వాటిని అనృతంలో దాస్తాను.
నా ఆవేదనని నువ్వు హేళన చేస్తావేమోనని
నేను దాన్ని అర్థం లేకుండా మారుస్తాను.

నీకోసం నాలో వున్న విలువైన మాటల్ని పలుకుదామని
ఆశ పడతాను. కాని నువు వాటికి సరైన విలువనివ్వవని
భయపడి వూరుకుంటాను. అందుకనే నీకు
కఠినమైన పేర్లు పెట్టి మార్దవం లేని
కర్కశురాలివని ప్రగల్భాలు పలుకుతాను
నీకు బాధంటే అసలు తెలీనే తెలీదేమోనని నిన్ను గాయం చేస్తాను.

నీ పక్కనే నిశ్శబ్దంగా కూచోవాలని , వాంఛిస్తాను.
కాని నా పెదవుల్లోంచి నా హృదయం బయలు పడుతుందేమోనని
అధైర్యపడతాను. నా వేదనని మొరటుగా వాడతాను.
నువ్వే అట్లా చేస్తావేమోనని వెరచి

నేను నీనించి దూరంగా పోదామనుకుంటాను.
కాని నాకాధైర్యం లేదు. నా పిరికితనం నీకు
తెలిసిపోతుందేమోనని భయం .
అందుకనే నా తలని ఠీవిగా పైకెత్తి, నిర్లక్ష్యంగా నీ సమక్షానికి వొస్తాను.
నీ కళ్ళనించి అంతులేని ఘాతాలు నా గాయాల్ని మాననీవు-

ఎం.ఎఫ్.హుస్సేన్ - No(n)-Sense Fellow - Part 2

2007-11-19T00:15:00.001+05:30

ఎం.ఎఫ్.హుస్సేన్ తన పెయింటింగ్స్ లో నగ్నత్వాన్ని ఇష్టపడతాడంటే సరే, హిందూ దేవతల్ని, హిందువుల్నీ అందర్నీ నగ్నంగా చూపించాడు. ఆఖరికి భరతమాతని కూడా. మరి ప్రవక్తనీ, ప్రవక్త కూతురినీ, మతపెద్దనీ, ఒక ముస్లిం యువతినీ, తన కూతురినీ, తల్లినీ మొత్తం ఇస్లాం సంబంధిత అన్ని పెయింటింగ్స్ లో ఒక్కటయినా నగ్నీకరించాడా?

Muslim Woman

Daughter of Prophet

His Daughter

His Mother

మత పెద్ద

Godess Durga

Godess Parvathi, Gods Shiva and Ganesh

Hanuman with Sita Half Naked and Rama

Lord Vishnu

Muslim and Brahmin

Bharata Mata

Ganga and Yamuna

Original Photographs of Our National Leaders

2007-11-16T22:32:00.000+05:30

Check out some of the Original Photographs of Our National Leaders.
Download from this link.

http://rapidshare.com/files/70157077/National_Heroes.zip

BAPU Paintings(Big)

2007-11-16T19:40:00.002+05:30

Plz. check for some of the Bapu Paintings.

http://www.mediafire.com/file/ymeyhemjzql/BAPU.zip

చలం-కొన్ని అరుదైన ఫోటోలు

2007-11-13T06:50:00.000+05:30

చలానికి సంబంధించి కొన్ని అరుదైన ఫోటోలు ఇక్కడ చూడండి.
Plz click on them to view in full.
http://chelam.blogspot.com/2007/11/blog-post_13.html

చలం-తన కుటుంబం-తను సహవాసం చేసిన స్త్రీలు-PHOTOS

2007-11-11T09:02:00.000+05:30

You can see some of the Valuable PHOTOS of Chalam Family and his women, here.
More to Come..,

(http://chelam.blogspot.com/2007/11/photos.html)

చలం-షౌ గురించి కొన్ని ఆసక్తికరమైన విషయాలు

2007-11-10T16:44:00.000+05:30

'షౌ! నీకేం కావాలి?'
'పూలు '
పూలు కాకుండా ఇంకేవన్నా అడిగితే నువ్వు షౌ వి కాదనేదిట.
చలం-షౌ గురించి కొన్ని ఆసక్తికరమైన విషయాలు

http://chelam.blogspot.com/2007/11/blog-post.html

చలాన్ని యెందుకిలా చేశారు?

2007-11-08T15:02:00.000+05:30

చలం పేరు పెట్టుకున్న ఒక కమ్యూనిటీలో చలం పై రాసిన నా ఆర్టికల్ ని (http://sridharchandupatla.blogspot.com/2007/11/blog-post_04.html) నిషేధించారు.దశాబ్దాలుగా యింత పెనుగులాడి, ఆంధ్రదేశాన్ని తన రాతల్తో చేతల్తో వూపేసి ఇన్నాళ్లకు కూడా, చలాన్ని వెలివేసిన ఆనాటి ఛాందసవాదుల్లాగా చర్చక్కూడా ఆస్కారమివ్వకుండా చలం రాతల్ని నిషేధించారు.
యెందుకిలా తయారు చేశారు చలాన్ని ? చలాన్ని దగ్గిరగా చూడమంటే ఎందుకింత బెదురు, భయం? నేను కొత్తగా రాసింది యేమీ లేదు, అన్నీ ఆయన రాతల్లోనివే! ఆనాడూ యిలాంటి భరించలేని హిపోక్రసీ మనుషుల్తో విసిగే ఆంధ్రదేశానికి దూరమయ్యాడు. ఇప్పుడు మనమే దూరం చేసుకుంటున్నాం. చలం Skirt chasing కు ముసుగూ కాదు. ఎవరికీ Fashion అసలే కాదు.

ఆయన వ్యక్తిగత జీవితమూ-ఆదర్శాలూ రెండూ వేరు కావు. వ్యక్తిత్వాన్ని తీసేసి అతని ఆదర్శాల గురించి మాట్లాడలేం. వ్యక్తిత్వంలోంచి ఆదర్శాన్ని తీసేస్తే చలం మనకి దొరకడు. చలం రాసినవి చేతలే! చేసినవి రాతలే! చలంలో అన్నీ చూడమంటున్నాను! వెతకమంటాను. ప్రశ్నించమంటాను.

చలమే స్వయంగా అంటాడు
'Think and struggle and knock and enquire. You go ahead to truth wherever you start from gross materialism or stark agnosticism. Struggle on my boy, pain. Intense pain, cry in the wilderness, seek and kick, don’t give up. Don’t sink, don’t die, keep up the torch lighted with the blood for your veins, and it will light you sure to that somewhere if there is one. If there is none, let us quietly walk out into the void to sleep(perhaps to dream), never to wake again and to suffer after the great toil of life well done.'

చదివినవే చదవకుండా ఆయన రాసినవి యితరత్రా చాలా వున్నాయి. నచ్చిన అమ్మాయితో వుండొచ్చు అంటే ఒప్పుకునీ చలంలో వాంఛ ఎక్కువనీ అంటే అది Derogatory. చలం ఆదర్శాలు నవీనమైనవి అంటే తీసుకొని, చలం స్త్రీ ని తప్ప దేన్నైనా వొదులుకోగలడంటే అది Cynical. మీడియా యింత కమర్షియలైజ్ అవకుండా , చలం విషయంలో మనమింత దురదృష్టవంతులు కాకుండా వుండివుంటే ఆయన రాసిన యితరత్రా రాతలెన్నో మనకు అందుబాటులో వుండేవి.

'బొబ్బలెట్టి అరవ - గోలపెట్టి ఏడ్వ
లీలలీలంటారు - ఎడారిఏడ్పేన
వొచ్చి చచ్చీపోవ - చచ్చిపోయూరాగ
ఇచ్చేది లేదేమి - వొచ్చేదిలేదా ? '

మనకోసం అరుపులెట్టి గోలపెట్టాడు. ఎడారి ఏడ్పు యేడ్చాడు.మృత్యువుని అతి సమీపం నుంచి చూసికూడా తొణకలేదు. చలం కొట్టిన దెబ్బలు మన విచక్షణని తాకనివ్వకండి

ఇప్పుడైనా చలాన్ని ప్రశాంతంగా విశ్రాంతి తీసుకోనిద్దాం !

చలం కోరింది స్త్రీ స్వేఛ్చనా? లేక స్త్రీ నా?

2007-11-06T08:36:00.002+05:30

నలభయ్యో వడిలో పడిన చలానికి హైస్కూలు పిల్లల్లో కూడా ఏ 'అందాలు ' కనబడ్డాయో? ['..అట్లాంటి వాతావరణంలో (అందమైన హైస్కూలు అమ్మాయిలు.. ') పది జన్మల వరకు ఒక్క మాట వ్రాయలేక పోయినా దిగులుపడను.(పే.78,చలం ఉత్తరాలు ].

చలం ఎపుడూ కోరింది స్త్రీనే ! కోమటి స్త్రీలోనూ, (పే.8),హైస్కూలు పిల్లల్లో, క్రిస్టియన్ పిల్లల్లో(పే.71) అందాలు వెతికిన చలం వ్యక్తిత్వం గురించి యేం మాట్లాడదాం? మందుకీ,మగువకీ తప్ప చలం దేనికి స్పందిస్తాడు?

చలంలో కాముకుడిని వెతకడం అనవసరం. అది మానవ సహజం . అదొక ఇంస్టిక్ట్ మాత్రమే అనేవాళ్లకు చలం నిలువెల్లా కాముకత్వమేనని శరీరాన్ని సుఖపెట్టే దారుల్లోనే మార్గాలనన్వేషించుకుంటో వెళ్లాడని అంటే మింగుడుపడదు.

గాంధీ తప్ప నన్ను ఎవరూ కదిలించలేరని ఒకసారీ,
గాంధీ ఒక మంచి రాజకీయవేత్త,Tactful అనీ మరోసారీ,
నా దేశం cause మీద ప్రేమ కానీ, ప్రజలపై కాదనీ (మరి యే ప్రజలకోసం రాశాడు), అంటాడు. cause ని అంగీకరించినపుడు దానివల్ల పీడితులైన వాళ్ల బాధలు అబద్దమా?

రాసిందే చేసి చూపించినవాళ్లల్లో వొకడు చలం . ఇది నిర్ద్వందంగా అంగీకరించాల్సిన విషయమే. యే మహానుభావులకో తప్ప చాతకాని విషయం . యే భావజాలాల్ని పట్టుకు వేలాడాడో అవన్నీ తర్వాత ఎట్లా యెగిరిపోయినాయి?
సరే భావాలు మారకుండా వుండాలని యేం లేదు కాలానుగుణంగా మారొచ్చు అంటే యే కాలానికి సంబంధించి చలం భావజాలాన్ని మాత్రమే తీసుకుని మిగతా వొదిలెయ్యాలి? (అన్ని కాలాల భావాజాలాలు గనక కలిపితే కలగూరగంప అవుతుందేమో)

స్త్రీ గురించి ఎంతో గౌరవంగా మాట్లాడే చలమేనా

నెల్లూరు నెరజాణల గురించి
'..The Fast ones are ugly
The Loose ones are nasty , క్రిస్టియన్ పిల్లలు తప్ప.. '(పే.71, )

అని వాపోతాడు , నెల్లూరు వొట్టిపోయిందని????

ఇది చదవకపోతే పూర్తి పాఠం MISS అయినట్టే!!

Click here to navigate

మానవతావాది చలం

2007-11-06T01:20:00.000+05:30

చలం మానవతావాది అనే విషయంలో సందేహం అవసరం లేదు. లేకపోతే, అనాధపిల్లల్ని, కని అఖ్ఖర్లేదని పారేసే పిల్లల్ని, వితంతువుల్ని, అభాగ్యుల్ని, బాలవితంతువుల్ని చేరదీసి తనకే, రోజుల్ని , వెళ్లదీయటం కష్టంగా వున్నరోజుల్లో కూడా యింట్లో ఆశ్రయమిచ్చేవాడు.

ఆంధ్రదేశం వెలివేస్తే అడవిలో గోదారి పక్కన కుటీరంలో (పాడుబడిన యింట్లో) భార్యాపిల్లల్తో ఏ, ఆక్రోశమూ అవేదనా (మనుషులపైన) లేక ప్రకృతితో కలిసి మమేకమై జీవించాడు. ఆనందమే పరమావధిగా బ్రతికాడు. అతని కౌమారమంతా నవ్వుల్తో ,కలల్తో , వొయ్యు వొయ్యారాల్తో , మాత్రమే గడిచింది. మనుషుల బ్రతుకుల్లోని అసహ్యాన్నీ, నీచాన్నీ, తన పేదరికాన్నీ అన్నిటినీ అంత చిన్న వయస్సులోనే క్షమించగలిగిన మహొన్నతుడాయన.

రమణమహర్షి దేహం విడిచాక అందరూ మూటలు సర్దుకుని వెళ్లిపోతూ 'నువ్విక్కడెందు’ కని అడిగితే 'నా స్థలమిదే ' అని చెప్పేంత నిబద్దత ఒక్క చలానికే గాక యింకెవరికుంది. తన కొడుకు వసంత్ ఎక్కడో పరాయి రాష్ట్రంలో చదువుతున్నప్పుడు ఆ కాలేజీ ప్రిన్సిపాల్ చలాన్ని పిలిచి ' మీ వాడు అసాధారణ మనిషి. అతన్ని పెంచిన వ్యక్తి యెలా వుంటాడో చూడాలని పిలిపించాన ' న్నాడు. గోదారిలో పిల్లల్తో ఈతలు కొడుతో చెట్లూ చేమల్లో ఆడుకుంటో, వచ్చే డబ్బుచాలక కొన్నిసార్లు చింతపండు పులుసుతో కడుపు నింపుకుంటో , పిల్లల్ని గనక ఆ అడవిలో పెంచినట్లయితే నిజానికి వీళ్లు యే సంస్కారమూ, లోకజ్ఙానం అబ్బక మూఢులై, అజ్ఙానులై పనికిరాకుండా పోయేవాళ్లు. కాని చలం, ప్రపంచానికి శౌ లాంటి వో గొప్ప జ్ఙానినీ, ఆధ్యాత్మిక మార్గదర్శినీ అందించగలిగాడంటే చలం అసాధారణ మనిషి !

సౌందర్యాన్ని చూసి జీవితమంతా యీ జ్ఙాపకంతో బాధపడేగతిని తప్పించుకున్న వాళ్లను తలచుకుని యీర్ష్యపడుతో , జరగడానికి వీలు లేని దివ్యసన్నివేశాలు తన జీవితంలో జరుగుతాయని (అది ఖచ్చితంగా భగవాన్ అయి వుండాలి) కలలు కంటో వెళ్లిపోయాడు. వ్యక్తి స్వేఛ్చకు గొప్ప నిర్వచనం చలం. సౌందర్యోపాసనకు సుధామధుర వ్యాఖ్యానం చలం . రవీంద్రుని గీతాలు (ఫలసేకరణ, వనమాలి, గీతాంజలి ), రుబాయత్ లు చలం తెలుగు చేయటం వల్లే అవి అంత అందాన్నీ , అమరత్వాన్నీ సంతరించుకున్నాయేమో. చలం తన కుటుంబాన్ని పట్టించుకోలేదన్న ఆరోపణ బహుశా ఆయన విశ్వ మానవుడై , జగాన్నే కుటుంబంగా చూసిన వాడు కావడం చేత వీగిపోతుందేమో !

వూహ తెలిసింది మొదలు చచ్చేవరకు నిక్కచ్చిగా, నిర్మొహమాటంగా చెప్పిన వాడు చలం వొక్కడే ( ఫ్రాయిడ్ భాషలో ఇడ్ వున్న మనిషి చలం వొక్కడే కావొచ్చు.)

మానవత్వమూ మహా కాముకత్వమూ ఒకే ఒరలో ఎట్లా ఒరుగుతాయో? రెంటినీ ఒకే మనిషిగా కలిపి చూడగలిగితే అది చలం కాక యింకెవ్వరూ కాలేరు!!

ఆడదాని కళ్లల్లో తను చూసే ప్రేమా మాధుర్యమూ వుత్త మిధ్య అనీ, అవన్నీ తన మనస్సు కల్పించుకునే మాయ అని, భగవాన్ దీక్షలో, శరీరాన్నీ మనస్సునీ కృశింపజేసి తనను ప్రజ్వలింపజేసే ఆనందం ఆత్మ సాక్షాత్కారం ద్వారా పొందగలిగితే ఆడపిల్లలే అఖ్ఖర్లేదనీ భగవన్నామంలో కృంగి, కృశించి, నశించి

'మూడు మూళ్లా బావిలోనా

ఆరు మూళ్లా చాపవొకటి

మూలమెరిగి గాలమెయ్యరా

దీని భావము నీకు తెలుసురా? '

అంటో

మూలమెరిగి గాలమేసే సమయానికే చలాన్ని ఒంటరిని చేసి వెళ్లిపోయాడు భగవాన్.

నా జీవితంలో అసంభవమనుకున్న దివ్యమైన కల నిజమైందని

సంతృప్తిగా తనూ వెళ్లిపోయాడు చలం.

ఎఱ్ఱ గులాబి

2007-11-03T23:30:00.001+05:30

ఆ రోజు
లెఖ్ఖలేనన్ని తెల్లని పువ్వుల్తో నీ సమాధిని అలంకరిస్తాను
యింకొక ఎఱ్ఱ గులాబి తో కూడా - నీ ధైర్యానికి ప్రతీకగా
దేవదారు వృక్షాల నీడల్లోంచి మనుషులు
నడుస్తూ వెళుతున్నపుడు తప్పక ఆశ్చర్యంతో కళ్లెత్తి
నీ సమాధిపైన పువ్వులుంచి వెళతారు
లెఖ్ఖలేనన్ని తెల్లని పువ్వుల్ని,
ఒకే ఒక ఎఱ్ఱని పువ్వుని చూసి తమలో తాము
'ఆమె చనిపోయి యెన్నో రోజులయింది కదా!
యింకా ఆమె కోసం యెవరు వచ్చుంటారు?' అని ప్రశ్నించుకుంటారు.
'నీ మార్గాల గూండా,
యితరులు నిన్ను గుర్తించకుండా నువ్వెలా వెళ్లిందీ,
యీ ప్రపంచపు చిక్కుముడుల రహస్యాల గూండా
నిన్ను నువ్వెలా కోల్పోయిందీ ' అంటో తలపోసుకుంటారు.
యింకా అక్కడే నుంచుని ' నిశ్చల ధీరురాలూ ' అని నిట్టూర్చి
' మర్చిపోయిన యీ సమాధి పై
యెవరూ గుర్తించలేని వొక ధీర యువతి గాడంగా నిద్ర పోతో
వుంది వెలుగురవ్వలు సంధ్యామంటల్ని దహించేదాకా'
అనుకుంటో ...

మృత్యువు

2007-10-23T23:19:00.001+05:30

నదిలా ప్రవహిస్తోంది జీవితం
పడవ సరంగు తీరం కోసం వెతుకుతున్నాడు
తీరం కనిపించని సముద్రం
ముడి విప్పలేని చిక్కులా వుంది
యెవరి కోసమో యీ జగతి
అంతులేని నిరీక్షణ సల్పుతోంది
పడవ సరంగు కళ్లలో
తీరం కనిపిస్తుందనే ఆశ
అలసిపోయినా సరే
యేదో వొక రోజు
నిన్ను తప్పించుకోగలననే
అత్యాశ.